外表係冬甩浸咖啡 原來佢係……

發佈: 2016.09.27
文:

呢個咁鬼馬嘅冬甩由觀塘工廈內一間咖啡店出品,究竟佢係一杯咖啡,定係一個甜品?睇下個名,叫 Oldish Tiramisu,係甜品!上枱時,原個冬甩形嘅物體浸喺 espresso 內,唔使問都一定係畀相機食先啦!


Oldish Tiramisu $68
睇真啲,呢個唔係我哋平時食開的油炸冬甩,而係一個冬甩形的 Tiramisu!真係估佢唔到喎!做到好似一個水泡咁浮係水面,賣相好得意,好欣賞店方創意。


等我再拆解下,冬甩形 Tiramisu 放在缽仔內,底部是 espresso;Tiramisu 面灑滿可可粉,由於放在冰櫃雪到實一實,所以切開時都幾難控制,太大力會令咖啡四濺,太細力又切唔到,難度好高。不過 tiramisu 經咖啡一浸,應有的層次變得模糊。


味道嘛,有極濃重的 espresso 味,夾雜可可的甘苦及丁點 Mascarpone cheese 味,無一般 tiramisu 咁甜,啡迷會鍾意,但如果喜歡 Tiramisu,就會嫌太苦。最奇怪係口感,部分結成粒狀,幸好入口即融,lady finger 亦浸軟到融晒,有啲失望。


薄荷紫天堂 $43
同場試咗另一個飲品;顏色配搭好靚,由藍到紫,直覺覺得唔好飲。但入口的感覺好 fresh,薄荷味剛剛好,而且有陣陣薄荷清涼感,加埋附上青檸的酸味,感覺好清新。

Oldish

地址:觀塘巧明街 99 號巧明工廠大廈 5 樓 AB 座
電話:2345 5008
營業時間:星期一至六 12nn-10pm,星期日及公眾假期 11am-6pm

文、攝:Froggie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more