好治癒!去文青秘竇睇富士山

發佈: 2016.09.27
文:

呢個「Fuji Blue」嘅富士山甜品叫 The Nature,其實係由賣手繪木盒起家嘅 Interstellar Studio 創作。幾個月前,Interstellar Studio 喺觀塘工廈開咗間概念店,先唔好講食物住,單係裝潢設計已吸引好多文青,白磚牆配一室木系裝潢,有花有草,有自製嘅 decoration,又有自家製手作賣,一上到嚟嘅感覺好 warm 好舒服。


呢度嘅佈置全是老闆 Hinny 同女朋友一手設計打造,包括牆上嘅書架同木茶几,畀客人同朋友上嚟 hea 下傾下偈、傾 project,感受呢個小空間充斥着嘅藝術氣息,環境 cozy 到甚至有人喺度瞓着覺!營運形式亦好得意,不設 walk in,但大家可以預早致電留座,咁樣就可避免過於擠逼,幾時去都有舒服環境。


店內既賣 Interstellar Studio 自家製手作,仲有埋飲品輕食。無論係手作定食物,Hinny 都加入太空同大自然嘅元素,佢話好鐘意宇宙嗰種未知嘅神秘感。


藍色好易令人 link 到星空、大自然,所以佢哋 menu 上嘅輕食大多以藍色為主,坊間用蝶豆花為食物染藍,佢就嫌太 common,自己用紅菜頭、梳打調色,調製出「Fuji Blue」嘅淺藍色天然色素。


The Nature ($65) 係一個甜品 set,有日本白涼粉 Mr. Fuji 同日本白汽水 Place You'll Go,以日本富士山為藍本,正係「Fuji Blue」調子。


Mr. Fuji 京豆水製,係啫喱嘅一種,口感水潤清淡,配埋沖繩黃豆粉、杏仁粉同慢煮過的黑糖,微甜而不膩,無論係賣相定味道都好有治癒嘅效果。


小記更喜歡呢杯 Place You'll Go,一杯 4 個 Layers,飲出幾種味道。Hinny 用日本汽水做 base,再加牛奶、鹽味奶蓋同 cream,甜中帶一點鹹,奶蓋幼滑豐厚,口感豐富!

Cafe & meal 係 Interstellar Studio 嘅副綫,19 歲嘅 Hinny 嚟緊 10 月會轉型,以預約方式營運,同時亦會提供輕食。


Interstellar Studio
地址︰觀塘敬業街 敬運工業大廈 9F K1
電話︰ 6377 7031
註︰由於空間所限,只接受預約。

文︰Louise、攝︰Ken

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more