熱氣都要食!爆香避風塘炸雞丼

發佈: 2016.09.29
文:

呢個港日大聯盟創作,來自日本的吉列豬扒專門店「吉豚屋 Ca-Tu-Ya」。平日去,都係食吉列豚扒或雞扒,最近舖頭竟然推出 Hong Kong Style 炸雞丼 - 「避風塘炸雞丼」。炸得黃金嘅雞扒上,灑滿香口金銀蒜及韓國辣粉,真係似模似樣,有大牌檔避風塘餸菜 feel 喎!


避風塘炸雞定食 $59,跟餐有一碗白飯及野菜豚肉湯,另外加 $5 可轉讚岐烏冬。


避風塘炸雞丼 $49

丼飯喺 9 月推出,有兩款選擇,分別係「避風塘炸雞定食」「避風塘炸雞丼」。餐飲經理東師傅指香港分店用由日本引入的炸物機,呢部機係食店靈魂所在,全電腦操作,已預設好炸物的時間、溫度、程序等,保證出品穩定。他說:「炸雞大概需時 4 分鐘、炸豬扒則要 3.5 分鐘。」機器更有發熱綫高溫加熱,達到殺菌消毒效果,幾時都話日本人衛生 no.1。


吉豚屋用日本總店的炸物機,電腦程式監控令炸物水準穩定。

講番避風塘炸雞,用雞髀肉炮製,肉質較嫩滑多汁,炸漿則用日式唐揚炸雞粉,食落無咁鹹又帶脆感。主角「避風塘」,用上乘金、銀蒜及韓國辣椒粉,食落好香口,蒜味唔會太搶。分量又夠多,我數過雞件有 8 件!一個男生還可獨吞,女仔一定食唔晒,開心 share 啦!


避風塘香料有金、銀蒜及韓國辣椒粉,好惹味;雞肉又夠嫩滑,比成日食的吉列雞扒或南蠻炸雞有驚喜。


有 8 件雞,分量十足。


東師傅指避風塘炸雞最受客人歡迎,幾間分店夾埋每日可賣超過 100 客。

吉豚屋吉列豬扒專門店 Ca-Tu-Ya
地址:九龍灣牛頭角道 77 號淘大商場三期地下 G286-288 號舖
電話:2351 1899
營業時間:星期一至五 11:30am-11pm,星期六及日 11am-11pm
註:「避風塘炸雞定食」及「避風塘炸雞丼」推廣期由即日至 10 月 30 日

文:Celia、攝:Brian

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more