3 小時韓式 Brunch 任食炸雞年糕五花腩

發佈: 2016.11.01
文:

韓食餐廳在香港愈來愈多,我喜歡 modern style 的,Jin Juu 就是我杯茶。由美籍韓裔靚女廚師 Judy Joo 主理,菜式走韓美 fusion 路綫,有韓味之餘不失現代感,在倫敦開業短短一年,已經被選為最值得幫襯餐廳!2015 年尾登陸蘭桂坊後,得到唔少好評,今次推出自助 Brunch,啱晒嗜自助餐嘅哈韓族。
食物放在自助餐桌任取,而且 refill 得快,食物保持熱度,炸物脆卜卜。
【相關報導】
全場食物約廿多款,放在自助餐桌上任取;選擇貴精不貴多,但 hit 爆韓食一應俱全,做法亦比外間的精心計算;好似炸雞,外表睇落似歐洲式炸法,但食落又有韓國炸雞的香口與 juicy;韓式飯卷,用傳統的黃蘿蔔青瓜和蛋做,上面灑上炸至金黃的蒜片及火箭菜,比一般的香口;最邪惡嘅五花腩,用韓式醬料烤焗,啖啖肉又不覺膩;連韓式炒薯粉,都係即叫即炒,鑊氣十足,薯粉彈牙。
炸雞用猶太人的 matzo meal 當炸粉,炸出來比一般的香脆,外表睇落似歐洲式炸雞,食落有韓式炸雞的 juicy。
【相關報導】
飯卷賣相與外間見的差不多,都是黃蘿蔔、青瓜和雞蛋,但用料十足,飯粒夠煙韌又有微微的麻油香,加上香脆的蒜片及火箭菜,好香口。
炮菜年糕睇見就想食!泡菜酸辣合度,年糕煙韌軟熟,醒胃刺激。
五花腩肥瘦分明,用韓式醬料烤焗,油香爆破,豬肉中滲出濃濃麵豉香,好惹味。
甜品種類不算多,只有 brownies 及生果乳酪,一款勁邪惡,一款好健康,點揀好?
亮點係繽紛的夾糖區,大人小朋友一樣歡喜!
如果食到飽飽哋,中場可以食吓韓式沙律和伴菜,有醃蘿蔔、微辣青瓜、冬菇及芽菜等,清鮮爽口。自助 Brunch 時間為 3 小時,你我大可慢慢吃、慢慢傾,再慢慢吃,要不加錢任飲氣酒、cocktails 或韓國燒酒,韓式任吃也可休休閒閒好 relax。
韓式沙律伴菜,琳瑯滿目,除了醃蘿蔔、微辣青瓜、芽菜、泡菜外,仲有蠺豆、豆角、粟米,幾有新鮮感。
飽肚必食推介有 韓式炒薯粉,餡料有燈籠椒、洋葱、磨菇及蛋角,廚師即席以大火快炒,香噴噴夠晒鑊氣,忍唔住食咗 3 碗!
如果想過一個微醺假日,只要加 $250,便可以無限添飲 Roederer Estate 氣酒、紅白餐酒、一系列雞尾酒、啤酒及韓國燒酒。
韓風 Brunch
供應日期:逢星期六及日
時間:12nn-3pm
收費:成人 $380、小童 $250,設加一
Jin Juu
地址:中環蘭桂坊德己立街 30-32 號加州大廈 UG 樓
電話:3755 4868
營業時間:星期一至四 12nn-1am,星期五及六 12nn-2am,星期日 12nn-11pm
文:Theo 攝:Jay

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more