快餐店發現!香噴噴起焦煲仔飯

發佈: 2016.11.01
文:

邊間快餐店反應咁快?就係大快活喇!快餐店最新推出「焦香煲仔飯」系列,有膶腸冬菇滑雞及臘腸豉汁排骨兩款口味,今晚兩個人一人一煲,試晒兩款!

餐牌有溫馨提示,揭蓋前將豉油淋在煲蓋邊,焗一焗,可令飯焦更香。
打開煲蓋,熱騰騰!香味爆發,而且配料好多,隨煲仲附上菜脯,鹹鹹甜甜好送飯。膶腸冬菇滑雞有原條膶腸,分量有睇頭,質素也不俗,外皮脆脆哋,內裏軟腍,略嫌肥膏偏多;冬菇大大塊,味道濃香;至於滑雞,有髀上肉及雞翼,唔係碎濕濕嘅雞件,質感都幾滑,而且醃得入味。
膶腸冬菇滑雞 $47
餸料好多,除咗原條膶和冬菇滑雞,仲有菜脯及雲耳,夠晒送飯;飯粒夠挺身,軟硬適中,吸晒膶腸和冬菇香。
煲底有大大塊飯焦,脆卜卜,好滿足。
而臘腸豉汁排骨飯,臘腸同樣略肥,口感偏腍,唔夠咬口;排骨夠腍而且入味,但分量不算多。到靈魂飯粒,索晒餸料味,而且粒粒企身,軟硬適中,食到底仲有卜卜脆飯焦,燶位唔多。
臘腸豉汁排骨 $45
臘腸與排骨是絕配,飯身盡吸臘腸與排骨的香味,加上飯焦香,忍唔住食晒全煲。
鴛鴦糯米飯 $52
糯米夠挺身爽口,不糊口;最抵讚是不會過份油膩,簡單的加上臘腸、膶腸、葱花及花生,已經好好味。
糯米粒粒分明,不會黏作一團。
雖然點都不及炭爐煲仔飯咁香口惹味,不過以快餐店和價錢來說,質素好高,性價比亦高,重點係分店多,心血來潮想吃煲仔飯,隨時吃到!
大快活
電話:2856 7217
文、攝:Theo
【相關報導】
快餐店注目 榴槤 + 楊枝甘露布甸


歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more