喜歡食小籠包，都應該識由前歌手 Oscar 開設的「正宗上海生煎皇」，舖頭開咗咁多年，口碑不錯；而呢個彩色嘅「下海小籠包」正是他為慶祝舖頭 6 歲生日而推出的新品。
下海小籠包 $52（暫定供應期：11 月 2 日至 12 月 2 日）
一籠有 6 種口味的「下海小籠包」，Oscar 說由構思到完成花了半年時間，連先後次序都編排好，大家可由淡味吃至濃味，順次序應該是白色的原味、紅色的蟹味、黑色的鰻魚味、橙色的蝦味、黃色的墨魚味，最後是綠色的瀨尿蝦味。
單睇賣相，紅綠橙黃黑白，上枱即刻吸到唔少 like。但同時好多人擔心，是人造色素吧！錯了！Oscar 解說：「曾經有諗過用人造色素，但最後都過唔到自己嗰關，希望食物盡量原汁原味，所以顏色全部來自原材料。好似紅色小籠包，用咗紅菜頭榨汁，再混合麵粉製成。」
每個小籠包的皮都用原材料榨汁混和麵粉製成，絕無人造色素；Oscar 仲話：「我哋堅持用人手製作，將心機放入小籠包，仲有一份人情味。」
【相關報導】
城中滑嘟嘟布拉腸粉 心水 3 大推介
阿元x 蝦叔叔 限定台味蝦扯蛋
城中滑嘟嘟布拉腸粉 心水 3 大推介
阿元x 蝦叔叔 限定台味蝦扯蛋
對於舖頭、出品，Oscar 有這樣的感想：「剛開店時，食物質素好唔穩定，好多食客都畀機會我，會再來幫襯，我覺得呢啲就係人情味，好感激。起初一班師傳覺得『下海小籠包』定價太低，但我希望多謝一班熟客長期支持，呢個創作更係一個突破。」供應期有限，大家要快快去食。
「小籠包」外表夠搶眼，內涵更驚喜，除了原味外，內餡全部以海鮮做主角。好似用斑蘭汁製成的綠色小籠包，餡料以原隻瀨尿蝦起肉，加蒜蓉快炒，再與鮮肉包裹而成，一啖咬落去，湯汁爆瀉，更食到蒜蓉及瀨尿蝦的鮮味。紅色小籠包係咩味？就係胡椒蟹味！驚喜度十足！
原味
繼續保持一貫水準，湯汁夠多肉亦夠嫩，保留原味，是因為 Oscar 不想大家為突破而忘記食物本身的原有味道。
蟹
用紅菜頭榨汁做皮，餡料是胡椒蟹加鮮肉，胡椒味好香，更食到蟹肉，有驚喜。
鰻魚
用墨魚汁做皮，估唔到燒汁鰻魚加鮮肉的小籠包味道會咁夾，而且仲食到粒粒鰻魚㖭。
蝦
橙色皮以甘筍汁製成，內有冬蔭功醬炒成的蝦及鮮肉，一啖咬落，冬蔭功的酸辣好醒胃，湯汁又夠濃，好味。
墨魚
用日式咖喱汁做皮，呈金黃色，點解唔用墨魚汁做皮？Oscar 話：「咁易估到就唔好玩啦！所以改用咖喱汁，幾得意呀！」餡料有咖喱魷魚與鮮肉，咖喱夠香，不辣。
瀨尿蝦
呢款花咗最多時間研究，試過用芝士配瀨尿蝦，但芝士味太搶；用蒜蓉炒再加鮮肉做餡，發現味道好夾！蒜蓉味好香，瀨尿蝦又夠彈牙，湯汁好惹味。
餡料十足，每款都食到材料粒粒，Oscar話：「如果與鮮肉一齊搞碎，就無咗質感，好似冬蔭功蝦，食到蝦的彈牙口感，會令人印象更深。」
金頤小館
地址：北角電器道 233 號城市中心商場地庫 297
電話：2965 8688
營業時間：12nn-10pm
註：「下海小籠包」全日供應
正宗上海生煎皇（深水埗分店）
地址：深水埗福榮街100號地下
電話：2723 7723
營業時間：11:30am - 11:30pm
註：「下海小籠包」6pm 後供應
正宗上海生煎皇（旺角總店）
地址：旺角豉油街72號地下
電話：2323 2374
營業時間：12nn-12pm
註：「下海小籠包」6pm 後供應
文：Theo 攝：MayChing
【相關報導】
隱密發現！伊斯蘭餐廳有平茶飲？
米芝蓮率先揭曉！$300 三道菜車胎人推介
隱密發現！伊斯蘭餐廳有平茶飲？
米芝蓮率先揭曉！$300 三道菜車胎人推介
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
