再見了!我最喜愛的蝦麵

發佈: 2016.11.04
文:

最近係 IG 見到立法會新貴議員鄭松泰 post 相,指灣仔蘭杜街開業 16 年嘅「蝦麵店」將於 12 月中結業,仲話食店對金鐘上班族好重要,皆因金鐘尋味難咁話!我唔係金鐘人,但以前間中都會去「蝦麵店」食麵,趁仲有機會,梗係食多幾次檳城蝦湯麵啦!

店外玻璃貼上通告指 12 月結業,聽聞係老闆榮休,並非加租壓力。
午飯時間就好多上班族在門外等位。
店內座位不多,匆匆吃完就離開。
開業 16 年嘅蝦麵店,總店一直都係灣仔區,曾搬過一次就係蘭杜街現址,時間話長唔長,但都係灣仔金鐘區朋友心水食店,開業多時仍有人龍排隊或輪籌等位。
3 款麵都係麵店推介最受歡湯麵,小記最愛都係最左邊 咖喱喇沙海鮮油麵,個湯幾乎飲晒。
麵店老闆十多年前從新西蘭回流,再從馬來西亞師傅身上學會做喇沙,繼而自立門戶。今時今日,要在香港食到好吃的喇沙不容易;麵店做的喇沙湯底,主要放自家炒製的咖喱料,椰香甚重,用雞、豬骨熬煮上湯,再加馬來西亞咖喱、蝦膏、香茅、黃薑粉、椰奶等炒香的醬料,湯底香濃又有層次。
咖喱喇沙海鮮油麵 $69
咖喱蝦湯底喇沙混合濃郁蝦湯及自家炒製的咖喱膽及椰汁,是正宗檳城口味;海鮮配料有大蝦、魷魚、青口、腐角及蟹柳,如果有埋螄蚶,就 100 分了!
配料有大蝦和青口,無欺場。
【相關報導】
而招牌中的招牌,係蝦湯;先用老雞、豬骨熬成上湯,另外又將蝦殼、蝦頭、蝦膏等炒至出味,放在湯中熬,啖啖蝦鮮味,很濃郁惹味。想抓緊最後機會試,記得 12 月中前喇!時間有限要食精,醒你 3 碗必食推介:辣味蝦肉片麵、咖喱喇沙海鮮油麵及福建滷麵,三款都甚有特色。
辣味蝦肉片麵 $56
蝦和肉片屬大路貨,湯底先係靈魂。用十幾斤鮮蝦殼熬製湯底,飲落份外鮮甜,紅褐色湯底入口微辣。
福建滷麵 $56
老闆是福建人,做出這款由蝦湯演變的福建口味滷麵。望落有似碗仔翅樣,稠稠的,其實係用蝦湯打入生粉芡和蛋絲,似麵羹,好飽肚。
老闆在收銀機旁默默打點。
蝦麵店
地址:灣仔蘭杜街 2 號麗都大廈 4 號地舖
電話:2520 0268
營業時間:11:30am-8pm
文:Celia、攝:Chow
【相關報導】


歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more