任擦生蠔!$300 樓下抵食 Brunch

發佈: 2016.11.05
文:

位於尖沙咀柯士甸道龍堡國際內嘅「龍堡廊」,最近換咗全新 Sunday Brunch 餐牌,每位 $398(仲有優惠),可以任食凍海鮮、沙律、龍蝦湯及甜品,再揀選一款龍蝦頭盤及一款主菜,感覺好豐富,價錢比一般酒店的 Brunch 平一大截!
一分錢一分貨,凍海鮮選擇唔算多,只得翡翠螺、藍青口、雪花蟹爪,最最最大亮點係有生蠔!質素不俗,睇落同食落都覺新鮮,而且 refill 速度夠快。
生蠔來自美國,蠔肉夠厚,海水味唔算濃,但味道偏甜,迎合大眾口味,即使品蠔初哥都啱食。
雪花蟹爪的蟹肉鮮甜,而且蟹好易拆,密密拆密密食一定回到本。
至於 刺身,餐廳供應 挪威三文魚日本𩶘魚日本甜蝦 3 款,三文魚厚肉、甜蝦甘甜,較為驚喜嘅反而係𩶘魚,肉質有彈性之餘仲食到有少許𩶘魚本身嘅鹹味,得!
【相關報導】
豪擦完凍海鮮後,最好就食啲 沙律。無錯,正所謂「食沙律,是為了食更多的美食」嘛。沙律有成 12 款醬汁和配料,任你 mix and match。
只得一款 龍蝦湯,味道非常濃郁,如果有多啲選擇就更好。
龍蝦頭盤有凍食嘅 龍蝦配芒果沙沙醬(上),以及熱食嘅 黑松露荷蘭汁焗龍蝦(下)
混埋芒果、番茄嘅加拿大龍蝦,酸酸甜甜,感覺清新啲,更突出龍蝦嘅鮮味!
熱食則比較重口味啲,龍蝦同荷蘭汁很夾,惹味;再加上黑松露嘅香氣,very good!
【相關報導】
至於主菜,我就揀咗口感 light 啲嘅 香煎大蝦石班柳拌忌廉蛋白,蝦肉彈牙、石班嫩滑;另有砵酒汁牛柳拌酥皮蠔盒、煎羊扒配薄荷燒汁等選擇。
食完主菜仲有胃口嘅話,不妨試埋甜品,有 6 至 7 款畀你揀,有芝士蛋糕有朱古力有泡芙有奶凍有水果!
各式芝士餅
泡芙
草莓奶凍
特濃朱古力蛋糕

龍堡廊
地址:尖沙咀柯士甸道 8 號龍堡國際 UG 層
電話:2378 7673
供應日期及時間:逢星期日 11am-2:30pm
收費:優惠價 $278.6/ 位(原價 $398/ 位)
註:價錢包橙汁、咖啡或茶,另加 $48 可任飲紅、白酒或葡萄汽酒;另設加一服務費 (以原價計算)

文、攝:Joyce
【相關報導】


歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more