終於嚟喇!辻利茶舖 ifc 插旗

發佈: 2016.11.07
文:

辻利茶舖有幾巴閉?
「辻利」(音:十利)可以話係日本抹茶界先驅,始創人辻利右衛門 1860 年喺京都經營茶舖,之後仲研究出可以 keep 住茶葉溫度與濕度嘅「茶盒」,舖頭亦以最高等級嘅綠茶「玉露」而出名,將高級綠茶磨成濃縮茶粉就係抹茶。到 1923 年,辻利喺北福岡小倉市開設首家分店,擴展日本茶業務之餘,仲製作抹茶甜點。老字號傳至第 7 代傳人辻史郎,人氣更遍布至倫敦、多倫多、墨爾本、馬來西亞、新加坡、上海及台灣等地,分店大多係外賣店。
辻利茶舖係日本抹茶界中歷史最悠久的老字號,加上香港人鍾意食抹茶甜品,老闆就它引入香港。同樣採 take away 形式,卻設有小吧枱讓客人靠着慢慢歎。
參照當地深木色配襯黑色裝潢,加上始創人雕像和老舖黑白照裝飾,一旁還有仿古木製招牌,感覺摩登得來不失歷史感。
【相關報導】
食物種類呢?幾乎在當地或其他分店賣的,這裏都有; 冷熱抹茶焙茶茶味軟雪糕鮮奶沙冰新地窩夫芭菲,香港人喜歡的都一應俱全;還有 茶味卷蛋芝士條雪芳蛋糕布丁高級茶葉茶粉。食材統統本店直送,製作亦依足原著;除了軟雪糕在店中即製,其餘材料如高級抹茶、白玉、紅豆蓉、焙茶忌廉、沖繩黑糖漿等都係日本直送。
IFC 限定窩夫 $78
窩夫好大堆頭!軟雪糕用北海道 8.0 牛奶製,幼滑有奶香,有抹茶、牛奶、焙茶、抹茶牛奶紐紋 4 款選擇;配卷蛋糕、抹茶啫喱、自家製紅豆蓉、白玉丸子同鮮忌廉,一次過滿足甜品控好多願望!最特別係小匙羹,係 IFC 大廈造型㗎!食完可以留番紀念!
雪糕新地 $68
新地有抹茶同焙茶 2 款,用膠杯載住,見到 4 層 layers,由底層向上數,有脆米、抹茶或焙茶啫喱、自家製紅豆蓉,加埋抹茶或焙茶軟雪糕和白玉,亮點係茶盒形狀窩夫三文治,內有香甜紅豆蓉餡,好豐富呀!
辻利抹茶牛奶扭紋軟雪糕 $42
軟雪糕超級香滑,既吃到茶香,又有牛奶味,甜筒香脆。
【相關報導】
辻利拿鐵 $48(凍)
有抹茶和焙茶口味;抹茶拿鐵用北海道 8.0 牛奶加抹茶炮製,輕輕淡淡很柔和,啖到茶香和奶香,不過甜。
抹茶沙冰配牛奶雪糕 $58
雖然冬天就到,但沙冰依然吸引!抹茶沙冰睇色水就知茶味濃郁,仲有點點回甘味;配牛奶雪糕,甜度剛好;我喜歡食晒雪糕先飲沙冰,你呢?
卷蛋蛋糕 $238
卷蛋蛋糕是日本直送,有抹茶味和焙茶味;蛋糕鬆軟,中間厚厚嘅抹茶或焙茶忌廉,又香又滑,好邪惡呀!
除咗抹茶甜品,這裏還有 茶葉抹茶粉賣。 梅之白 $88 係高級抹茶粉,濃度高,味道甘甘的。
辻利茶舖香港店
地址:香港中環港景街一號國際金融中心商場3012號舖
電話︰從缺
營業時間:11am - 9:30pm
facebook:Tsujiri Hong Kong
IG:@tsujiri_hk
文:Louise 攝:Brian
【相關報導】


歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more