海膽嘅熱潮同美食版圖愈來愈闊！西餐廳日本餐廳手卷小店有海膽食唔出奇，呢間推出海膽撈檬嘅越南餐廳，個名都搞鬼過人，叫「越男仔」。
Menu 上有 12 款河粉、檬粉及撈檬選擇，嫌少嘅話仲可以額外再加，加醬加粉加湯加餸，自己 mix and match 乜都加得！小食都唔少，有十幾款，而我最想食主角──海膽撈檬就唔見有，原來要問店員先有㗎！
原板加拿大海膽撈檬 $168
有一整板加拿大海膽、青瓜片、青瓜絲、生菜絲、蒜片、蒜粒，好大堆頭，堆到看不見檬粉，分量好多！
【懶人美食】
叮一叮搞掂！全國名選鮮蠔釜飯
叮一叮搞掂！全國名選鮮蠔釜飯
海膽偏泥黃色，形狀完整，唔會又散又爛，睇得出新鮮；味道微甜，質感 creamy，帶有少許甘香，但海水味不重。
【精選放題】
放蛇試！宵夜平食燒肉放題 抵唔抵？
放蛇試！宵夜平食燒肉放題 抵唔抵？
老闆 David 教路，先食一啖原汁原味嘅海膽，之後可將海膽同青瓜一齊食，然後就可加埋魚露再試，就可品嘗到 3 種不同嘅海膽口味！海膽 + 青瓜一齊食，口感最清新！
加咗少少魚露，可以為海膽提鮮。
檬粉很滑溜彈牙，撈勻後容易掛到海膽，吸咗魚露後，食落酸酸甜甜，同時又滲出海膽甘味。
小店約有 20 個座位，仲有一個小吧枱，畀師傅同客人交流！
豪食！越南菜 Omakase！
喺餐牌上見到「
廚師發辦」，原來係畀出手闊綽嘅豪氣客人！由廚師睇下即日有咩新鮮食材，再炮製 12 道或以上嘅菜式，當中有海膽、龍蝦、大頭蝦、軟殻蟹、湯粉等等，形式似足日本菜嘅 omakase，每位 $488，保證食到飽。
越男仔
地址：旺角廣華街 2-20 號翠園大廈 2 期地下 8 號舖
電話：2488 9191
營業時間：12nn-1am
註：
(1) 海膽撈檬限量供應，詳情請先向店子查詢。
(2) 設加一。
(3) 只接受一次性落單。
(4) 人齊方可入座。
文、攝：Joyce
【本周 Hot talk】
終於嚟喇！辻利茶舖 ifc 插旗
【
和味放送
】
全部都係膽！海膽外賣丼屋
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
