拉芝!有飯焦!暖笠笠芝士煲仔飯

發佈: 2016.11.09
文:

呢個咁特別嘅煲仔飯,估唔到來自一間好平凡的街坊舖頭,就係慈雲山的「榮記茶餐室」。不過舖頭喺區內甚受歡迎,每晚六點半後都座無虛設,十個有九個吃貨都必點「邪惡芝士煲仔飯」,近期仲成為餐廳名物。

【各區特搜】
 
聽個名已覺十級邪惡,煲仔飯面全是又熱又厚的芝士,焗至半融,仲要灑上炸至脆身的煙肉條,用匙羹一舀,熱氣散發,好香呀!芝士與飯黐埋一齊,不斷上演拉絲誘人場面,芝士味在口腔內大爆發。在清涼天氣食到呢個暖笠笠的煲仔飯,疏乎到暈。
 
邪惡芝士煲仔飯 $68
呢個芝士煲仔飯,除咗芝士,其實可以揀配料,有午餐肉、牛肉及雞肉三揀一,加埋厚厚的芝士、粟米粒及脆煙肉條,撈埋一齊食,勁似 Carbonara 意粉的味道!芝士味勁度濃烈,雖然好 heavy,但味道好夾,飯粒質感有點似 risotto,食到一半已經感到有點滯,最好是趁熱同 frd 子開心 share,凍咗仲膩呀!
 
【窩心推介】
 
除了厚厚一層芝士外,仲有 脆煙肉條粟米午餐肉,配料十分豐富。
 
食到底,有少少飯焦,加埋芝士的焦香,更加惹味。
 
蝦乾蠔豉煲仔飯 $98
同場仲有新品「蝦乾蠔豉煲仔飯」,未食已經聞到陣陣蝦乾及蠔豉香,分量非常多,蝦乾夠大隻又夠多,但食落較為淡口;而來自流浮山的金蠔,size亦不小,每隻有 1/4 掌心大,好揼本。咬落不乾身兼有汁,但略嫌有點甘苦味,而精華在於飯粒吸晒蝦乾及蠔豉的鮮香味,加點豉油,不經不覺 K.O 全煲飯!
 
蠔豉夠大隻又多汁,但美中不足是略帶苦味。
榮記茶餐室
地址:慈雲山毓華里 12 號地下
電話:2328 9232
營業時間:6:30am-10pm
註:煲仔飯 6:30pm後供應
文:Theo 攝:Ken
 
 

歡迎你 like 我哋 U Food Facebook Page / U Food Instagram ,取得我哋更新更快嘅資訊!

 

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more