三多憑一隻炸髀響朵，賣炸髀賣到衝出大埔；我去過走年輕人路綫的荃灣分店試食，無走樣不特止，水準仲 keep 到。忍唔住約老闆傾偈，出現的是三多始創人的兒子阿邦，聽佢講，爸爸 2002 年在大埔經營的三多，只是一間街坊小食店，默默幹，少宣傳，靠實力做到街知巷聞。
【美食激鬥】
炸雞髀 $29 / 隻
生炸雞髀，新鮮熱辣，想惹味可加些辣粉，個人認為加少少就夠，以免搶晒雞髀本身的味道。
荃灣店外面是巴士站，吸引到一至等巴士的人來幫襯。
全店得立食位，以做外賣為主。
老闆阿邦（右）是三多始創人的兒子，與其他拍檔包括 Belly，將品牌發展成三多炸肶，衝出大埔在多處開分店，希望做出香港人的炸髀。
【邪惡美食】
來到第二代，阿邦和一班拍檔在今年把三多發展成「三多炸肶」，先後在元朗、荃灣、旺角、筲箕灣、觀塘、紅磡開分店，並發展成特許經營店，所以而家三多遍地開花喇！其實無論在老店還是新分店，店中除咗炸髀，還有不少小食，只是因為大家去到三多，焦點都只放在炸髀上，好易走漏眼，亦無人談及；呢啲小食，唔係樣樣炸，怕熱氣都有得揀！而且亦得精，食記精 pick 咗 5 款，係老闆大力推介，下次去要試下！
1. 滷水雞髀 $29
老闆話他們的滷水雞髀不遜炸髀，都是即叫即煮，雞髀不會長時間浸滷水中，自家秘製滷水甜甜哋似瑞士汁，味道討好。
2. 炸雞髀意粉 $46
估唔到三多有意粉食！這個意粉以老闆自己調製的卡西汁來炒，味道甜甜酸酸，內有雜菜，配搭炸雞髀，夠晒飽肚。
【今日焦點】
3. 香辣肉碎炒腸粉 $35
有些似 XO 醬炒腸粉，又香又辣香好惹味。
4. 醬爆雞軟骨 $50
加了洋葱炒，味道酸甜，雞軟骨有咬口，買回家送啤酒一流。
5. 三多士 $35
這個多士好邪惡，中間兩層是火腿和花生醬，淋上煉奶，灑上砂糖，再來肉桂粉，好好味！多士切粒上，外賣食好方便。
飲品推介：柯檸
（$32）
orange 也，以半個橙加奶加冰打成，食到好甜的橙肉。食完熱氣嘢飲一杯，爽！
三多炸肶
地址：荃灣青山公路荃灣段227-287號運通洋樓地下B舖
營業時間：3pm-1am
文：Siucake 攝：Brian
【抵食推介】
糧尾必備 IKEA 抵食拼盤
【另類小食】
茶記踩過界 期間限定奶茶味軟雪糕
歡迎你 like 我哋 U Food Facebook Page / U Food Instagram ，取得我哋更新更快嘅資訊！
