驚喜抵食上海菜 上海姥姥

發佈: 2016.11.11
文:

餐廳其實在港九新界已有多間分店,今次這間九龍灣店,地方不大,目測約可容納70個座位,布置是一貫的簡潔清雅,坐得舒服。至於食物質素,由於是連鎖式經營,為食妹未有寄予厚望,但世事往往就是不似預期,估唔到食物水準有驚喜,令原本只打算試幾款小吃的我,最終叫到成枱都係餸。埋單時發現茶錢、加一全免,更加喜上加喜。


為食妹的頭號心水推介係乜?答你唔到呀!皆因招牌小籠包($35/4件)和姥姥手製排骨拉麵($50)鬥得難分難解。先說外皮有22摺的小籠包,皮薄餡Juicy,一啖入口有爆汁效果!至於拉麵,最愛清鮮不膩的湯底,排骨則夠鬆化,唔會食到滿嘴油。


每次食上海菜,為食妹必點生煎包及葱油餅,這裏的出品合格有餘,其中姥姥生煎包($35/件),包底脆口,肉餡Juicy;葱油餅($30/2件)則鬆化非常,不過一定要趁熱食,稍為攤凍已經冇咁好味。


上海菜並非全部濃油赤醬,像這道糟溜魚片($72)便是例外。嫩滑魚肉輕滲酒香,就連配角雲耳都好好味,送白飯一流。


一睇個賣相就知對辦,被鹹蛋黃滿滿包圍着的黃金蝦球($118),隻隻啖啖肉,入口甘香到不得了,膽固醇超標?食完先同我講。


大閘蟹當造,上海姥姥亦有供應大閘蟹菜式,為食妹試了一品海膽蟹粉拌麵($138),撈勻嚟食,條條麵都沾滿海膽同蟹粉,超正!不過供應期有限。


都說女生有兩個胃,其中一個專為吃甜品而設。這款據店員說是新推出的奶黃南瓜餅($36/3件)分量就剛剛好,不過吃時宜細細啖,因為流沙奶黃餡勁澎湃呢!至於兩款飲品雪梨紅棗茶($18)同鮮檸香薑蜜($18),同樣清甜滋潤。


據說餐廳裝潢由著名設計師Steve Leung操刀,店中央的長枱,設計靈感來自communal table,20個人來幫襯都夠坐。


店盡頭有個半開放式廚房,師傅們在此拉麵、搓皮整小籠包,好有睇Show的感覺。


我最鍾意呢張半圓形卡位,自成一角得來唔侷促。

上海姥姥
地址:九龍灣九龍灣偉業街33號德福廣場二期5樓528-529號舖
營業時間:星期一至日: 11:30am-10pm
電話:2487 7726

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more