熱賣韓系新品翡冷翠雪糕究竟係乜？

【本周焦點】 終於嚟喇！辻利茶舖 ifc 插旗

開估！呢杯由 Kiss The Tiramisu 推出的 「翡冷翠」，其實是牛油果味軟雪糕。點解叫「翡冷翠」，我諗應該是用牛油果造成的乳酪醬，色澤與翡翠相似吧！

呢款雪糕貫徹品牌 tiramisu 雪糕一貫多層次 style，牛奶雪糕上除了有牛油果打成的乳酪醬外，亦有一塊鹹鹹哋的墨西哥脆片，中間仲夾住甜甜哋的燕麥片、果醬及 mascarpone cheese，淡淡的芝士味與酸咪咪的乳酪醬幾夾，最底層仲有牛油果奶凍，好 creamy，食到淡淡的牛油果味，層層有驚喜。

翡冷翠 $46

第一眼睇，無論色水與賣相都不似有牛油果！在雪糕上的牛油果乳酪醬，酸酸哋，嗒真啲會嗒到淡淡的牛油果味，配埋墨西哥脆片一齊食，鹹鹹酸酸，味道好過癮！食到中間又有牛油果乳酪醬配甜甜哋的燕麥片，加埋厚厚 mascarpone cheese 的芝香，又是另一種滋味。不過最驚喜的還是食到最尾的牛油果奶凍，aftertaste 好長！

【另類小食】 平到笑 $15「動 L」水信玄餅

鹹鹹哋 墨西哥脆片配酸甜的雪糕，好過癮。

牛油果乳酪醬，乳酪味重，牛油果味淡淡的，好醒胃。

牛油果乳酪醬配甜甜哋的 燕麥片，又是另一種味道。

食到最底的 牛油果奶凍，牛油果味都是薄薄的，但好 creamy。

Kiss The Tiramisu

地址：屯門屯隆街 3 號屯門市廣場一期 1 樓 1001A 號舖

電話：從缺

營業時間：11am-10am

文、攝：Theo

【周末去邊】 Sweets！野餐甜點 晒冷

【甜蜜放送】 火焰 + 棉花糖 邪惡系西多士