天水圍發現 激正花雕豬膶雞湯飯

發佈: 2016.11.14
文:

呢個湯飯出自天水圍一個商場內的食店「品味屋」,雖然係小店,但因為做街坊生意,由早餐煎蛋公仔麵,到晚飯炒粉麵飯、蒸魚小菜乜都有得食,好包羅萬有。當中有湯的東西特別是湯飯尤其做得精。
 
花雕豬膶雞湯飯 $45
好似呢個花雕豬膶湯飯,聽個名都知勁。湯底加咗花雕熬,有超的酒香,加上湯面上的雞油以及豬膶精華和枸杞,靠香味憑賣相已覺好足料,好似阿媽滾的家常湯。花雕味雖濃,卻沒有掩蓋豬膶及雞湯的鮮甜,入口清楚品嘗到三種味道,飯粒飽吸湯汁更好食;難怪人人食到碗底朝天。
 
 
湯色算清,但飲到濃濃花雕香味,以及豬膶和雞的鮮味精華。
 
豬膶雖然薄薄一塊,但生熟程度剛好,入口粉嫩帶爽,加了薑絲煮,沒有腥味和怪味,好食。
 
【地區搜刮】 元朗掃街 8 大必食
 
胡椒豬肚雞湯米 $40
聞起來有非常強勁的胡椒香!雞湯的胡椒味超強勁,一啖飲落去會 feel 到喉嚨辛熱,但辣得好過癮,而過了胡椒辣就嗒到雞味。湯底亦有鹹酸菜、枸杞,轉涼飲一流!
 
豬肚爽脆無異味,雞肉彈牙、唔嚡兼無雪藏味,好食。重點係以上呢兩碗我食完、飲完後,隔咗兩個鐘都唔覺得口渴,證明無味精,抵讚!
 
品味屋
地址:天水圍嘉湖新北江商場 1 樓 C44A 號舖
電話:2616 4611
營業時間:7:30am-9:40pm
 
文、攝:Froggie
 

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more