Oreo + 阿華田 + 麻糬 $10 爆餡車輪餅

發佈: 2016.11.14
文:

去到美孚新邨,個個街坊都會同你講,最旺嘅小食店一定係「車輪餅小姐」;平日晚飯後有好多街坊、假日又有區外客人來排隊買其招牌車輪餅,下午當小食,晚上當甜品!點解咁受歡迎?除咗 $10 街坊價外,仲因為足料。

見近日好 hit 阿華田味美食,車輪餅小姐就想到混合 Oreo + 阿華田 + 麻糬 3 款勁 match 材料整餅,真係大受歡迎。
每日口味不同,幫襯前可留意 Facebook 及 Instagram 公佈。
90 後老闆車輪餅小姐話,餅底用泰國大蛋、澳洲牛奶及新西蘭牛油製成,選料精挑細選,全無加水,咬落極有蛋香。餅店開業至今約 10 個月,經常推出不同口味車輪餅,最受歡迎及經典的口味有流心日本宇治抹茶車輪餅、高纖紫薯,捏開一半真係爆晒餡!
小記勁有口福,4 款口味: 紫薯、抹茶、伯爵茶 Oreo 阿華田麻糬,可以一次過試晒。
高纖紫薯車輪餅以 100% 新鮮紫薯打成蓉,食落咬到條條纖維又唔油膩,想食健康甜品好似有藉口了。
唔少得綠茶控份兒, 流心日本宇治抹茶車輪餅無令人失望,用高級丸久小山園抹茶粉製作,流心綠茶餡食落有少許回甘。
最新口味就有 Oreo 阿華田麻糬車輪餅 ,三層餡料包括 Oreo 餅 + 阿華田醬 + 麻糬,可可味濃香,麻糬煙煙韌韌,同時滿足阿華田、Oreo 同麻糬控。除咗美孚總店,餅店喺西九龍中心開咗新分銷點,每日有 4 至 5 款,口味隨機,想食心水口味記得睇餅店 Facebook 或 Instagram。舖頭仲會逢星期一休息,唔好摸門釘呀。
憑外表睇,已經見到邪惡 Oreo 湧出餅皮。
Oreo 阿華田麻糬車輪餅捏開後,會見到阿華田 + 麻糬餡形成拉絲狀,流心 + 爆餡無難度。
若非出爐後即刻食,可用微波爐或焗爐翻熱;保質期為 3 天,未前食最好放雪櫃冷藏。
流心鮮奶伯爵茶車輪餅,一打開已經流心,用英國伯爵茶及澳洲牛奶 mix 成醬,好幼滑 creamy,不過甜。
買 4 個就有盒裝,方便外帶。
車輪餅小姐
美孚分店
地址:美孚新村吉利徑 19 號 50B7 舖
營業時間:星期二至日 10:30am-11pm (星期一休息)
電話:66871093
深水埗分店
地址:深水埗西九龍中心八樓65號舖
營業時間:12:30pm-7pm
文、攝:Celia

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more