新奇得意！柚子泡泡拉麵

最Hit食訊

發佈: 2016.11.16

文:

短短幾年間，香港的日式拉麵潮流早已翻了十幾廿轉，來到 2016 年底，最矚目的大概是這碗泡沫拉麵。驟眼睇，見泡不見麵，拉麵配料半浮在泡沫之間，原來泡沫係以拉麵餸的原材料做成液體，透過高壓氣槍做成泡沫，唧在拉麵上吃，既可為拉麵添風味，感覺又 light 一點。

柚子鹽豬骨泡沫拉麵 $148（11:30am-2pm 供應，限量 10 碗﹚

柚子泡沫由高知縣柚子汁製成，質感輕盈，香氣慢慢與濃厚的湯頭融為一體，配埋少少柚子皮，清酸開胃。

師傅先在拉麵上唧上不同口味的泡沬，之後才放上配料，飲落先充滿空氣感後 creamy。

其實這做法在日本已流行了好幾年，當地就曾出現木魚味同咖喱味泡沫口味。日籍大廚兼主理人村田先生本身愛創新，來港後做了幾年拉麵店顧問，見香港未有這風格的拉麵，於是自立門戶，選址蘭桂坊一條旺中帶靜的巷仔，部分日子更開業至凌晨 5 點，絕對是夜蒲精聚腳點。

小店位於蘭桂芳的巷仔中，頗有日本橫丁的風味。

【得意小食】 鹹鹹香香港式黃金蝦做漢堡

松露鹽豬骨泡沫拉麵 $168（10pm-2am 供應，限量 10 碗﹚

將黑松露醬與橄欖油拌勻打成泡沫，唧在拉麵上，再刨上黑松露片，未吃已嗅到濃濃的松露香，非常誘人，味道與濃厚的鹽豬骨湯非常夾。

追加的配料當中竟還可選 鵪鶉蛋，坊間少見。

拉麵由本地日本麵廠製作，湯底以大量豬筒骨、豬頭骨與雞殼熬最少十小時，成就出鹽味豬骨湯底，湯色奶白濃厚。招牌的泡沫拉麵有 3 款：柚子味、松露味和木魚味，於每日不同時段輪流上場。午市供應的是柚子鹽豬骨泡沫拉麵，以高知縣的柚子汁打成泡沫唧在拉麵上，再加上柚子皮，清酸味道剛好中和了濃厚湯底的膩；晚市來則可吃到以松露醬與橄欖油打成泡沫的松露鹽豬骨泡沫拉麵，原來村田先生見香港人拍拖都會食拉麵，於是創作出這濃香馥郁的矜貴口味。至於叉燒都係亮點，有兩款選擇，將巴西豬肩肉以不同溫度與時間慢煮過，所以即使是瘦叉都唔會嚡口，其中一款「叉燒 Rose」更以櫻花木冷燻過，色澤帶嫩粉紅，食落還有幾分 Parma ham 的韻味，非常特別。