食飯送多士爐

發佈: 2016.11.18
文:

邊間餐廳咁筍?就係九龍灣、主打摩登韓食嘅 XOXO Cafe Lab。為慶祝所屬飲食集團創立 8 周年,現時由即日起至 12 月 10 日,逢星期一至四,6pm 後在餐廳惠顧滿 $258,即送你 SilverCrest 多士爐一個。多士爐唔係 cheap 嘢,外型簡約型格,容易襯托,用嚟做韓式多士一流,又或可以換嚟做聖誕禮物!當然啦,數量有限,手快有手慢無㗎!
SilverCrest 多士爐外型簡約型格。
係咪而家即刻想去呢?食 $258 真係唔難!呢間餐廳食乜?主打新派西韓菜式,早前我去過,就試過一個睇落似座雪山的「抱泡鍋飯」!
煎 pan 上的白雪山,是以蛋白打至泡狀,再用分子料理方法整成一座山的形狀,再放入焗爐烤焗而成;外層脆卜卜哋,內裏軟綿綿,質感似棉花,但食落又有少少鹹,好搞鬼!用匙羹大力舀,底層係……炒飯!炒飯可選不同餡料,今次揀咗「滷肉溫泉」肉碎入味,滷汁滲進飯肉,惹味富肉香,真係有外表又有內涵!
抱泡滷肉溫泉蛋飯 $98
上層的白色泡泡,用蛋白製成,外層香脆,內裏軟綿綿,似食緊鹹味的燒綿花糖!滷肉炒飯,濃香惹味之餘炒得夠乾身。除了「滷肉溫泉」,仲有 5 款炒飯選擇。
Lab All Day 三文治 $68(煙三文魚、煙腿)
如果覺得食一個飯好 heavy,可以試吓呢款同樣以蛋白造成泡泡山的三文治,上層多士鋪上厚厚的白雪山再追加溫泉蛋,搗開蛋黃,蛋汁即流在雪山內,配合中間的 煙三文魚煙火腿,鹹鹹香香,好似 all day breakfast 咁豐富。除咗煙三文魚、煙腿,仲有 3 款不同口味。
手工咖啡 $48
呢款咖啡,杯上同樣有泡泡物體!不過並非用蛋白造成,而是綿花糖,將來自意大利凍咖啡淋在綿花糖上,睇住綿花糖漸漸融掉,好過癮。咖啡味頗濃,甘苦不酸,以綿花糖的甜來點綴,配 brownie 最好不過。
XOXO Café Lab
地址:九龍灣牛頭角道 77 號淘大商場三期 2 樓 S174-175 號舖
電話:3974 5772
營業時間:11am-10:30pm
文、攝:Theo

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more