型版港式西餐 千層肉醬豬腸粉

發佈: 2016.11.19
文:

咁得意嘅創作,嚟自大坑新餐廳 ate26。就算本身不愛 fusion 菜,都會有新體驗。老闆係年輕情侶 Tony 及 Connie,為表示對大坑、對港式味道的鍾愛,於是開餐廳,仲創作一系列腐乳 carbonara、糯米飯漢堡,豬腸粉千層麵等,口味既熟悉又特別。
「我和 Tony 住在大坑多年,開店直接就選呢區。區內好多外國人,食物、擺盤都傾向西式,但附近已有好幾間正統西餐,眼見最受歡迎的店子又多數賣港式食物,想做點特別的,便把我倆喜歡的港式味道,跟西餐來個 crossover。」Connie 說。
千層肉醬豬腸粉 $108
本地製造豬腸粉,專挑薄身及滑溜貨色,吸盡肉醬精華。腸粉疊起三層,模仿千層麵的形態,食落有質感,肉醬是牛肉混合豬肉,跟番茄及其他蔬菜烹調,甜香清新。
椒絲腐乳卡邦尼意粉配炸豆腐 $108
幾乎每枱必食!將辣椒腐乳取代 carbonara 原有的芝士部分,鹹辣惹味,還放上 parmesan cheese,跟 al dente 意粉好夾。
炸芝士午餐肉 $78
一碟有兩種午餐肉滋味,先有蘸麵包糠脆炸的午餐肉,披了吉列外皮,外皮薄脆,內裏混合淡味車打芝士。自製春卷則以午餐肉蓉做餡,軟腍腍,鹹香好吃。
店內的 All day menu,近 7 成菜式都混入港式元素,最熱賣的要數炸芝士午餐肉、軟心蛋卷、千層肉醬豬腸粉、椒絲腐乳卡邦尼意粉。聽 Connie 講,她跟 Tony 及大廚,花上 3、4 個月時間度餐牌、試菜。Connie 說:「要突出店子 image,我們都揀具代表性的香港食物,像豬腸粉、腐乳、午餐肉、豆豉鯪魚、糯米飯,再研究怎樣創作。
照燒雞扒.生炒糯米飯堡 $108
煎糯米飯堡有飯焦,正!自製糯米飯較平日的少了臘肉、冬菇及蝦米,減少膩滯。餡料有日式照燒雞肉、?花及日本椰菜,Mini size 可食多幾個。
糯米飯跟臘味先蒸後炒,再放進模具塑形。
像港人大愛的午餐肉,這裏變成了三文治——兩塊餐肉夾着芝士脆炸,切開即有芝士流心,啱晒相機先食;又如將辣椒腐乳代替 Carbonara 的芝士汁,做出鹹中帶辣,零違和感的味道;Lasagna 的柔韌質感、濃郁的肉醬香,換上豬腸粉一樣美味!還有靈感來自 rice burger 的糯米飯,大廚切細臘味、蒸煮糯米再炒香,用模具塑形後,最後煎得焦脆,中間還夾着日式照燒雞肉,好食!餐後來個自製紅棗雪糕收結,從頭到尾都有驚喜。
軟心蛋卷 $98
竹炭味蛋卷內是豆豉鯪魚醬,香?蛋卷有忌廉芝士煙三文魚,綠茶味藏?香草醬水牛芝士,啡色的是朱古力,用辣椒仔、海鹽及朱古力做成慕絲,好過癮的頭盤。
山楂汽水配紅棗雪糕 $58
飲落清爽,原來是用紅棗、雪梨、山楂乾、杞子及冰糖自製糖水,煮足 3 小時,混合梳打水、冰塊及自製紅棗雪糕,味道驚喜。
連餐廳裝飾都心思滿滿,室內用鮮黃 tone、shocking pink 色調,外牆由俄羅斯藝術家 Pasha Wais,噴出七彩的幾何三角,開餐心情實靚。
既是 cafe 亦是餐廳,店門全敞開,感覺很 chill。
ate26
地址:大坑新村街 4A-7 號地下
電話:2944 8211
營業時間:12nn-11pm
收費:現金及信用卡,設加一
交通:港鐵天后站 B 出口
泊車:新村街錶位
平均消費:$300
文:Pam 攝:Nova
(原文摘自 U Magazine ISSUE 573)

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more