台灣文創聯乘 Cafe 食 Tea + DIY 音樂盒

發佈: 2016.11.20
文:

如果你自問係文青,如果你又喜歡台灣,一定識當地文創品牌 Wonderful Life。品牌木製音樂盒和公仔最出名,最近佢仲同 LOG-ON Cafe 合作喺香港開限定主題 cafe!時間都幾長,由而家至明年 2 月 28 日,可以約齊文青 frd 子一齊去。
成間餐廳以木材裝修設計,鋪天蓋地都是音樂盒、木公仔,走溫暖路綫,colourful 裝潢令人重拾童真。
Cafe 四周都是木材牆身,玻璃櫃放滿品牌木公仔。
另一邊牆身模仿音樂盒設計,見到旋轉音樂座與木製模型。
Wooderful Life 公仔設計以精緻木刻聞名。
Cafe 唔少得優閒 tea set,在 LOG-On Cafe 獨家發售的 「Wooderful Life 午後時光下午茶」有一人及二人分量,最有睇頭就係「Music Wonderland」2 人下午茶,夾雜 18 件甜點及鹹點,另有 3 件酥點,好有睇頭。
「Music Wonderland」(二人份、包 2 人份花茶) $208
鹹點有 鱄魚子迷你鬆餅,鱄魚子甘甘鹹鹹,細細件剛剛好。
鵝肝芒果醬配薑味脆餅,鵝肝夠甘香,配芒果酸甜,加上薑味,醒胃不膩。
覆盆子方塊,外表紅噹噹,好啱聖誕主題,食落微酸帶甜,女仔實鍾意。
Wooderful Life 「午後時光」下午茶
供應日期:即日至 2017 年 2 月 28 日
供應時間:2:30pm-8:30pm
註:下午茶餐中的音樂座,是聖誕特別版 16 音音樂座,需另外購買,$658/ 個。
輕食三重奏
Cafe 除咗 tea set 及 DIY 蛋糕,仲有 3 款輕食,每份都包 一杯花茶($88/ 份),有金盞花、粉紅玫瑰花、洛神花及紫蘿蘭花茶可揀,可以來個 light 版下午茶。
菠蘿火腿薄餅,味道傳統但分量幾足,女仔胃口可能食唔晒。
意大利青瓜茄子配乾提子紅莓麥包,好多蔬果,食得健康輕怡。
意大利火腿沙律伴意大利醋汁,感覺清爽清新。
凡叫任何「Wooderful Life」套餐,加 $18 即可換購迪士尼限定版咖啡攪攪棒一枝。
【邪惡之選】 蘋果 x 玉子燒
DIY 自己的音樂盒
Cafe 除咗畀人食嘢,仲化身成手作工作坊,於每日 2:30pm-8:30pm 設 DIY 手作時段,在場有專業技師教你即場製作心水音樂盒,只要在旁邊的櫃筒揀選喜歡的木公仔及音樂盒底座,一般而言最基本的底座 + 3 隻公仔製作,價錢約兩百多元左右(視乎款式而定),唔算貴,而且獨一無二,又加咗自己心思,值。
現場工具、材料已有齊,製作簡單。
Yaya 先量度好擺放位置,再用木鑽、膠水等固定即可。
最後貼上心水字句。
完成!Yaya 指就算唔係熟手技工,都可以在 30-45 分鐘內完成,好 easy。
DIY 音樂盒造型蛋糕
想有個獨一無二蛋糕,又可以在 Cafe DIY 音樂盒造型蛋糕畀自己。「Petite Music Box Cake」以音樂盒設計為藍本,可揀「64 度 Valrhona 頂級朱古力熱情果慕絲蛋糕」或「忌廉芝士蛋糕」,再揀選你想拼出的心水字句放上蛋糕,成個蛋糕即時只屬於你,又或可 tailor made 畀 frd 子。
忌廉芝士蛋糕 $168 (包 2 人份花茶)
先在紙上寫下心水字句,交給職員準備字粒。
字粒以英文字為準,最多 12 個英文字。
另外仲有兩隻熊仔、I LOVE U 公仔可放上蛋糕,盡情 DIY。
LOG-ON X Wooderdul Life 限定主題 Cafe
地址:太古城中心一期二樓 260 室及 261 號店
電話:2736 3866
營業時間:星期一至四 10:30am-10pm,星期五及公眾假期前夕 10:30am-10:30pm,星期六 10am-10:30pm,星期日及公眾假期 10am-10pm
文:Celia、攝:Ray

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more