葵廣發現!台式現燙魷魚

發佈: 2016.11.21
文:

今次介紹呢間台式小食店唔再喺 2 樓食街,而是於 3 樓近吉野家附近,好易搵!小店門面落足心思布置,門口整到成架鐵製手推車咁,餐牌打直排,又用中國數目字,加上招牌特別字體,台灣味十足。
 
檔口只有 10 款食物,價錢由 $15 至 $30 不等,主要是 魚蛋拌麵現燙魷魚為主。
 
 
古早現燙魷魚 $25
現燙魷魚即是即叫即製,有乜咁特別?一般的魷魚,會預先煮好,再放埋一邊,餘溫再 keep 住「煮」熟魷魚,食落就會又硬又韌,好似咬橡筋咁。呢度即製,魷魚生熟度剛好,有嚼感之餘,質感不韌。
 
魷魚有 原味、沙茶、麻辣味選擇,推介大家試麻辣味!味道較淡的魷魚,要靠濃味的醬汁!小店的麻辣汁,麻香十足,辣味溫和不嗆。現燙魷魚質地好爽脆,令人食上癮!
 
拌麵係主打,有 5 款選擇。 「清心拌麵」即是滷水蛋加千頁豆腐; 「搖滾三品」就有花枝條、貢肉條及葱魚條,另有雞肉蝦米餃、燙魷魚及招牌肉燥拌麵。每款拌麵都可以揀原味、沙茶、芝麻及麻辣醬汁。仲有 9 款配料可以追加,$5 至 $10 就交易,豐儉由人。
 
 
招牌肉燥拌麵 $30
招牌集齊最台味嘅配料,有肉燥、千頁豆腐、酸蘿蔔及溏心蛋一隻。
 
麵條以醬油拌勻,沙茶醬好惹味。
 
溏心蛋超級流心,蛋味香濃。
 
 
鐵皮車仔上面,放咗一個 6 格嘅爐,入面浸住好多大大粒嘅魚蛋,分別有原味、咖喱、沙茶、麻辣及海苔味。
 
地道夜市魚蛋 $15
海苔味魚蛋即是在原味魚蛋上,灑上海苔粉。紅油炸嘅魚蛋彈牙唔腥,可惜海苔味唔突出,食麻辣味正啲!
 
阿佳拌麵
地址:葵芳葵涌廣場 3 樓 303 舖(吉野家隔離)
電話:從缺
營業時間:12nn-9:30pm
 
文:Jessie 攝:jay
 
【懶人恩物】 一拉即食 鮮味蟹肉
 

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more