阿波羅新推!限定抹茶雪糕蛋糕

發佈: 2016.11.23
文:


阿波羅新出嘅京都宇治抹茶系列一共有 3 款,全部都係雪糕蛋糕,分別有戀戀抹茶、抹茶金栗抹茶方塊,今次食編就試咗戀戀抹茶同抹茶金栗。

戀戀抹茶 $258/ 個
表層以 5 粒士多啤梨、抹茶粉、抹茶忌廉、抹茶 mousse 及白朱古力組成,視覺好立體,簡單得嚟又夠 eye-catching!抹茶粉偏淺綠,聞落唔太有抹茶味喎。
裏面原來有 3 層㗎!以兩層朱古力蛋糕夾住大大層抹茶雪糕,層次分明,口感豐富。
勁鍾意抹茶忌廉 + 抹茶 mousse,口感好幼滑,仲有淡淡抹茶嘅甘味,又唔會好搶主角抹茶雪糕嘅鋒頭,恰到好處。至於抹茶雪糕,奶味偏重,與甜甜的朱古力蛋糕同食好夾。美中不足係,5 粒士多啤梨同埋朱古力蛋糕都雪得過硬,食之前最好等一等!
抹茶金栗 $38/ 件、$70/2 件
賣相好新穎;抹茶醬淋喺面層,呈流汁狀態,再以金栗、抹茶 mousse、黑白朱古力作裝飾,裏面同樣有抹茶雪糕同朱古力蛋糕,不過細細件分量適中,最啱 tea time 吃。
有讚有彈!抹茶 mousse 很香濃,仲食到有少少抹茶嘅甘味㖭!抹茶雪糕味道較淡,同樣係奶味搶咗;朱古力蛋糕雖有淡淡嘅可可味,惟質感過於厚實,栗子略嫌有點硬身。味道不過不失,但欣賞雪糕店有與時並進嘅創作精神。
阿波羅
地址:尖沙咀天星碼頭地下 KP-24 號舖
電話:2494 8881
註:全綫分店均有供應,季節限定,售完即止。
文、攝:Joyce

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more