養生版 Starbucks 潮爆米水茶飲

發佈: 2016.11.23
文:

今個夏天,興咗輪 detox 生果水、冷壓果汁潮,無他嘅,香港人勁返工,個個都係潺仔,潺潺的大家而家有新選擇,睇睇上圖嘅飲品店和味十足,成間 Starbucks 咁,但原來賣健康飲品,飲品由中醫師設計,但又唔係涼茶喎,係咪覺得好亂先?


飲品店裝修富日系和風,無諗過健康飲品店可以咁有型。


老闆娘 Cinci 靚女老闆娘是註冊中醫師,她更是人辦,天天飲米水,皮膚身型都極佳,本住中醫「治未病」的概念,設計了 10 款健康飲品,當中以米水作招牌,有中醫撐嘅健康飲品,飲都安心啲。

呢度以「米水茶飲」掛帥, 係養生飲品生概念,舖頭由註冊中醫師Cinci 梁尹倩開設,想補健得嚟新潮嚟、好味啲,於是設計咗10款健康飲品。飲品不像涼茶般有藥性,mild 到幾乎大人細路老人家都飲得。當然飲品的最大賣點是由她設計,她高度推介招牌米水,因為知 OL 們為減肥都少吃飯,飲這個可以健脾益胃,唔再潺仔潺女,一共有4款。


蘋果玉桂茶 $34、凍 $36
蘋果加上肉桂,可以驅寒保暖,秋冬啱飲。


粟米鬚梨茶 $30、凍 $32
粟米鬚加上荷葉雪梨蓉做,梨香清甜,可消暑去濕,消除疲倦感覺。


紅莓杏仁茶 $30、凍 $32
鮮磨杏仁漿加上百合、紅莓蓉及蜂蜜,滑溜酸甜,清心潤肺唔覺 dry。


山楂老茶 $34、凍 $36
老茶加上茉莉花山渣,酸甜易入口,有減肥消滯的功效。


米水 $115 盒(15包)「朝‧米水」「夕‧米水」2 款,「朝‧米水」(左)紅米、薏米及白米磨粉,「夕‧米水」(右) 則是紅米、薏米、黑芝麻及黑豆做,放到保溫壺中焗 20 分鐘,可反覆沖泡,前者可補脾胃,後者補腎。

Cinci 對應港人躁底、壓力大、容易沾寒沾凍、瞓極都攰、壓力大、水腫易胖、好 dry 等問題設計咗另外6款飲品,全部都用上得到 GMP 中藥認証嘅藥材,又用有機的鮮果及較醇的高山烏龍老茶調配,茶底、果蓉果汁、米水等即日製不留過夜,配方分量 Cinci主理,但調味就找來專業 bartender負責,最破格係呢位中醫師居然無極力阻止大家飲凍嘢,保健飲品冷熱都有,當cocktail 咁用手搖走冰,每杯是Starbucks 嘅 Grande size 大小,性價比 OK,杯子設計都像咖啡店方便大家買走,保健再唔係老人家專利。


這裏的飲品都由調飲師逐杯逐杯 mix出來,概念源自 cocktail bar。


飲品都是每天早上用新鮮生果及食材煮出來。


招牌米水 熱 $26、凍 $28
白米、紅米及薏米煲出米水,稠身米味濃,上面加了藜麥脆脆,加少許冰糖,很清甜,飲一杯勁飽肚,健脾益胃。


火龍果玫瑰茶 熱 $42、凍 $44
紅火龍果加上有機玫瑰花、高山烏龍老茶、蜂蜜、珍珠末及奇亞籽做,能疏肝解鬱。


無花果葉水 熱 $30、凍 $32
新鮮溫室無花果葉桂圓,飲落滿有桂圓甜香,也有點像椰水的清甜,具有清熱解毒之效。


CheckCheckCin
地址:上環蘇杭街 4-6 號啟豐大廈地下
電話:2833 5508
營業時間:11am - 8pm,星期日休息

文:sieg 相:suki、ray

原文摘自 U Magazine ISSUE 573

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more