勁勁勁搶眼!激‧桃紅三文治

發佈: 2016.11.24
文:

呢件咁爆嘅三文治,唔係喺潮店發現,反而喺一間 cafe 內搵到!開業約兩個月嘅 Backyard,本店喺葵涌,最近喺荃灣開咗分店,唔再走工業風格,今次走歐陸 cafe 路綫,採用木系色調嘅桌椅,加上樓底高、座位夠寬敞,仲有草綠植物陪襯,感覺很 cozy。
店子裝飾嘅植物有部分係真‧植物,如羅勒葉,可即摘即煮㗎,好 green。
食物方面,餐廳嘅午餐 menu 會每星期更換一次,而荃灣店仲會特別供應 burger、三文治、pizza 等鹹食。不過講到最爆,都係呢件桃紅色三文治!
紅菜頭田園三文治配薯條 $108
等陣先,咪又屈落人造色素度!粉紅色嘅麵包,係餐廳用本地新鮮 superfood — 紅菜頭,搾汁後加入麵團自製,顏色鮮艷得嚟夠天然,無論你愛搶愛潮,還是有夥少女心都會 like!
分量都幾大,一份起碼要 2 至 3 個人先食得晒!裏面有 2 片火腿、車打芝士、番茄、生菜及沙律醬,咁多蔬菜令整體口感好 fresh 好清爽。三文治鬆軟得嚟又帶脆,惟紅菜頭味太淡,食唔出。不過用嚟影相一流!
追加!原隻軟殻蟹竹炭 Burger
軟殼蟹泡菜竹炭漢堡配薯條 $128
黑色漢堡包以外國入口天然竹炭粉上色,用料好豪,每個 burger 都會用足一隻越南軟殼蟹,食落有啖啖鮮味,同時有泡菜、生菜、番茄、酸瓜及牛油果醬,有多重味道及口感,超豐富!分量太大,身為少女嘅我,好難 KO 得晒!
同場加映:提神 + 奶滑咖啡 set
此店供應嘅咖啡款式更多更講究,有十多款選擇,當中仲有手工咖啡㖭!採用巴西單品咖啡豆,經過烘炒後再以咖啡機磨成,醇香好飲。
Espresso flight $48
一 set 有齊 espresso + cappuccino (可選 latte),店員建議先 taste 一啖 espresso 先,再慢慢品嚐奶味濃郁嘅 cappuccino!與一般咖啡店飲到苦苦嘅 espresso 好唔同,呢度嘅 espresso 果酸味好重,仲有少少苦澀,飲完即刻超提神!至於 cappuccino,啡味無咁濃,充滿奶香。聽講餐廳嚟緊 12 月仲會推出薑味咖啡㖭,唔知味道係點嘅呢?小編都好期待!
愉景新城居民獨享 85 折
由即日起至 2017 年 6 月,只要出示愉景新城住戶證,全單即享 85 折優惠!優惠除公眾假期外,星期一至日、午市及晚市都適用!聽講遲啲優惠會延伸至整個荃灣區㖭,詳情可向餐廳查詢。
Backyard
地址:荃灣青山公路荃灣段 388 號中國染廠大廈(8 咪半) 地下 G1 號舖
電話:2388 8803
營業時間:星期一至四 7:30am-10pm;星期五 7:30am-10:30pm;星期六、日及公眾假期 9am-10:30pm
註:不設最低消費
文:Joyce、攝:Suki
【火鍋精選】 米綫店滋補 2 人雞煲

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more