簡約風!MUJI 設計味小家電

發佈: 2016.11.25
文:

香港嘅 MUJI 賣嘅貨品種類愈來愈貼近日本店!而家連家品都陸續有得賣!暫時係小家電,貫徹簡約風,全用純白色,有電飯煲、按壓式多士爐同電水壺,3 款都係白色圓角設計,綫條簡單,無論屋企係形 look、田園風都配襯到。最重要係設計貼心實用。

按壓式多士爐 $480
長方形加圓角設計,簡單得嚟有設計味。可以同時烘 2 片厚多士,加熱器仲設置貼近麵包表面,烤烘出嚟嘅多士更香脆。
多士爐有 1 至 6 段按鈕設定,畀你控制烤烘程度,仲有個麵包屑盛載盤,可以拉出嚟清洗,方便!我最鍾意解凍功能,可解凍同時仲烤烘埋冷藏嘅麵包,解凍 reheat 一 take 過!
電水壺 $450
壺嘴設計方便倒水之餘,原來仲防止翻倒漏水,啱哂我呢啲雞手鴨腳嘅人。
煲水只需約 80 秒,水沸後電源仲會自動切斷,而電綫可捲入底座收藏,咁方便想擺一個喺自己房。
電飯煲 $980
1.7mm 厚度嘅內鍋,煲飯時受熱更強更均勻,煮白米、糙米、咖喱用白飯、炊飯、油飯同稀飯都用得!飯煲用可卸式內蓋,方便清洗,好萬能!
電飯煲上蓋唔做手抽位,反而設計成平面,有稍微凸出嘅部分,用嚟放飯勺,型!
文︰Louise 圖:有關機構

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more