川龍→大帽山→甲龍→荃灣 （難度：中階）
今次介紹大家行荃灣荃錦公路，以荃灣為起點，沿途經過川龍、大帽山、甲龍，最後返回荃灣。吃貨們要有心理準備，荃錦公路不斷上落斜路，難度屬中階。可幸始終係行馬路旁，頂唔順都可以即刻 call 的士！
Check point 1：荃灣出發→端記茶樓
起點：荃灣兆和街
交通：乘 80 號專綫小巴至川龍村總站落車，行一小段路入端記酒樓。
成日聽人講川龍有人種西洋菜，仲要即摘即煮好新鮮。去過川龍，無人不曉「端記茶樓」，鄉郊茶樓格局，客人大多是來歎一盅兩件的大叔們；慇勤服務可能難啲，不過食氣氛唔錯，最大賣點係可以食到即摘即灼西洋菜；早茶最好食飽啲，先有力氣行山路。
典型鄉郊茶樓，格局開揚，仲高掛鳥籠。
在這裏一切都「自助」，自選茶葉，濃淡自己泡，點心亦要自取，其實咪仲 free。
豬皮排骨冬菇
鮮灼西洋菜，新鮮即摘，到川龍唔食，如入寶山空手回。
牛肉、鳳爪、叉燒包、燒賣、蝦餃，山下茶樓有的，這裏都有，風味搭夠。
煲仔飯、砵仔蒸排骨，一般茶樓少見。
端記茶樓
地址：荃灣荃錦公路川龍村 57-58 號
電話：2490 5246
營業時間：6am-2pm
【抹茶狂熱】
準備尖叫！大坑發現抹茶火鍋
Check point 2：荃錦公路→大帽山
大帽山高 957 米，是香港最高山峰，咁高並唔係浪得虛名，上到去可以飽覽錦田、八鄉、林村、荃灣景色，好壯觀！
沿路右邊是荃灣、葵青、大嶼山一帶；左邊是錦田及新界北。
山上遍地「黃金」，好多原居民牛牛。
交通或行程：離開端記茶樓後，可沿荃錦公路往錦田方向，向上行，到見大帽山郊野公園旅客中心指示牌，再向麥理浩徑 8 段向「白波波」雷達站進發，就係目的地。如果唔想行，可乘 51 號巴士在荃錦公路觀景台落車，照樣往麥理浩徑 8 段進發山頂。
往山頂中途站，見到扶輪公園，再多行 4.2 公里攀升 400 米就到「白波波」天文台雷達站，大帽山地標。
【得意小食】
Cute！公仔樣 Dip 醬雞蛋仔
Check point 3：大帽山→甲龍 農場鮮奶有限公司
上完高山，行咗咁多路，個肚又餓喇！係時候出發覓食，再行 1 個多小時，就可到石崗軍營附近的「
農場鮮奶有限公司」，最出名飲鮮牛奶！
交通或行程：沿麥理浩徑折返荃錦公路，再向錦田方向行，到石崗軍營附近，便見到甲龍村指示牌，再往村內走就到農場鮮奶有限公司。如果你真的累了，其實都可以搭巴士，同樣在石崗軍營站落車，再往甲龍村行，一樣去到。
甲龍村接近石崗、錦田一帶，附近就係解放軍林立嘅石崗軍營。
村口對面係石崗軍營
見到指示牌，就係雷公田村及甲龍村入口。
往內行會經過大欖郊野公園
再行多數分種，就見到農場鮮奶有限公司，無顯眼門牌，但門口左邊有舊黑白乳牛紋大石做標記。入內除了飲牛奶，還可以餵羊食草，好治癒。
去到「農場」必飲佢嘅
香濃牛奶，好濃好滑，奶味比外邊的濃好多，有凍飲及熱飲。
薑汁撞奶、燉奶及
鮮奶芒果布甸，都係必食之選，奶味好突出，冬天熱食好 warm！
農場鮮奶有限公司
地址：元朗石崗甲龍村雷公田 78 號
電話：2832 9218
營業時間：9am-6pm
【品味家品】
簡約風！MUJI 設計味小家電
Check point 4：甲龍→荃灣（源記）
飲完牛奶、食過甜品後，都差不多黃昏了，係時候落山食晚飯！落返荃灣搵食最多選擇，我的心水係良心食店「源記」，每逢星期日下午都會派飯畀長者，咁善心，一場去到就支持吓！
交通或行程：離開甲龍後返回荃錦公路，乘搭 51 號巴士（往荃灣方向），到荃灣港鐵站落車，再步行往二陂坊。
每逢星期日下午 4:30pm，源記門口就會出現人龍，一班長者可以取免費飯盒，堅係良心小店！
兩姊弟都係 80 後，原哥和家姐 Kelly（右） 自小居住荃灣區，希望盡點綿力給區內長者一餐溫飽。
私房蜜汁牛柳粒（$88），用美國牛柳粒，混了黑椒加上蜜汁，好辛香。
虎皮釀尖椒（$68），鯪魚肉好香口，佐酒一流。
脆皮炸大腸（$78）塗上 2 層麥芽糖炸，無羶味又煙韌。
德國黑椒豬手（$148）肉質軟腍帶甜，啖啖肉，襯啤酒一流。
雪裡紅爆芥蘭片（$75）用自家 XO 醬及豬肉碎爆炒，加入炸雪菜香脆惹味，一定要食多碗白飯。
源記
地址：荃灣二陂坊地下 6 號舖
電話：2614 1688
營業時間：12nn - 2am
文：Celia
【任食情報】
社企任食 即煎西冷厚切豬扒
【精選火鍋】
米綫店滋補 2 人雞煲
【今期必吃】
$78 一爐兩食 火鍋 + 蛋漿鐵板燒
歡迎你 like 我哋 U Food Facebook Page / U Food Instagram ，取得我哋更新更快嘅資訊！
