南港島綫遊黃竹坑 3 大好 Hea 推薦

最Hit食訊

發佈: 2016.11.26

文:

1. 最正雪糕三文治 Elephant Grounds

Elephant Grounds 係近年冒起得很快的 cafe，cafe 假日我會去銅鑼灣、上環、灣仔都有舖頭，平日一定去黃竹坑店，地方好大，超 hea 超舒服。雪糕 + 三文治係呢度招牌作，潮人老闆 Kevin Poon 飲咖啡時想食曲奇，又想食雪糕，就諗到以曲奇夾住雪糕做三文治。

三文治做得花巧細緻，仲有新鮮感，所以受歡迎到成為招牌作。雪糕 size 直徑 8cm，每份達 110 克，厚疊疊分量十足；雪糕外面沾滿 toppings，好多女生乾脆當飯食。

由外層到雪糕到 toppings 都喺黃竹坑中央廚房製作；外層除咗唔同口味嘅曲奇，甜品師仲會用 macaron、crumble、brownie、蛋糕等夾雪糕；雪糕就用自家以北海道 3.7 牛奶製作，質感幼滑富奶香；每款仲加入唔同配料同元素，jam、果仁、鮮果、醬汁，雪糕口味活潑跳脫，材料統統都係精品。三文治仲有牛油紙、紙套和小碟盛載，方便大啖或拆開食，果然細心。

Elephant Grounds Coffee + Kitchen
地址：香港仔黃竹坑業發街 1 號 The Factory 1 樓
電話：2562 9000
營業時間：星期一至五 9am-6pm，星期六及日休息

【今期焦點】出前一丁玩 pop up 清仔麵餐+甜品+精品一站掃

2. 型格 Vintage 家具 + 餐廳 | 3/3rds

3/3rds 隱身喺一幢殘舊嘅工廈頂樓，穿過滿布貨車嘅舊式停車場乘着電梯來到，拐個彎竟然傳來陣陣咖啡香。呢度有 2,000 多呎嘅偌大空間，分成家具陳列及 catering 兩部分，面向深灣遊艇俱樂部及珍寶海鮮舫，一室 raw 風布置，率性陳列着各款 vintage 舊物家具；一道玻璃牆之隔就是餐廳，午後陽光透過兩邊大玻璃窗滲進室內，舒服又好 hea！

裝潢走 casual 型格路綫，食物也以輕食為主，Menu 選擇包括湯、沙律、薄餅、多士、甜品及麵包，周日則多 4 款 brunch items，如三文魚炒滑蛋、檸檬 pancake，堅持每朝新鮮製作，不留過夜。

Margherita Pizza $138
不過最有驚喜的是薄餅，自家搓製的薄餅底薄得只有 1mm，咬下去激脆又有麵粉香，車厘茄用西西里產的，特別 juicy 清甜，簡單的配搭火箭菜、自製 pesto 醬及水牛芝士，已經勁好味，毫無膩滯感。吃飽別忘了來一杯咖啡，店內置有 5 公斤咖啡烘焙機，咖啡豆都是自家烘焙，以 2 款南美及 2 款非洲豆拼配，酸度平衡又有點 nutty 味，水準不錯。

3/3rds
地址：黃竹坑業發街 6 號益年工業大廈 22 樓 D 室
電話：3462 2951 ※
營業時間：星期一至五 9am-6pm，星期日 11am-6pm，星期六休息

【聖誕去邊】北海道「白い恋人公園」搬咗嚟香港？！

3. 隱蔽精緻私房菜 M-Cuisine

黃竹坑嘅舊式工廈裏，仲隱藏了一間 fine dining 私房菜。在四周殘舊的格局中，餐廳那道華麗雙木門雖有點格格不入，卻又多了一種神秘氣氛。型男主廚 Michael Erlik，他祖籍以色列，在地中海沿岸國家包括法國、意大利、希臘等工作超過 20 年，曾跟隨著名三星米芝蓮大廚 Paul Bocuse 學藝 3 年，7 年前來港便愛上這個城市，決定在此發展，開設了這家私房菜。主打拿手的地中海菜，平日也為很多大公司做 catering service，如恒生銀行、American Express。

Michael 的菜式貫徹傳統地中海菜着重的鮮，同時又有法國菜講求的細節。為確保搜羅到最佳的當季食材，Michael 特意在巴黎找來一位食材搜購員，專為他張羅新鮮食材，如鯛魚、手採帶子、生蠔、野生露筍等，落單後 24 小時內已可送到，新鮮度拍得住當地吃到的。

這裏沒有特定 Menu，客人可逐道菜跟 Michael 商量後才拍板，最低消費每位 $1,000 已可吃到 5 至 6 道菜，比一般 fine dining 餐廳便宜一截，而且真心覺得比很多高級餐廳出品更好吃。每道菜的調味恰到好處，突出食材原有的鮮味又不覺單調，像嫩煎魷魚用上意大利魷魚，猛火快炒保留了鮮嫩的口感，鮮美得像剛從大海打撈起來，配以煎得脆皮的墨汁粟米餅，超好吃！