3 種半融芝士!爆芝海膽手卷

發佈: 2016.12.01
文:

高手在民間!位於大角咀嘅「芝味屋」,連位都無得坐,主打外賣。店仔細細竟然隱藏內功深厚嘅廚師,大廚何卓倫曾效力逸東酒店及帝京酒店等酒店級日本餐廳,有 20 年入廚經驗。眼見時下日式手卷店全部都好似樣,所以決心搞搞新意,用芝士做賣點!

大廚用的 Mozzarella、車打芝士、忌廉芝士巴馬臣 4 款芝士,全部都是美國或法國貨。店內有 9 款芝味手卷,每款手卷分別會用到 2 至 3 款芝士製作。大廚先將芝士 mix 好煮融,再用火槍輕炙,令芝士帶帶焦香。
先在手卷內加入半片加拿大海膽及青瓜絲,再放入半融 Mozzarella 及忌廉芝士。
芝味海膽手卷 $44
芝士嘅配搭都好講究,對於味道較淡嘅魚生,或唔想突0出主角海膽味道,大廚會落芝士味較輕嘅 Mozzarella,而忌廉芝士則可以令飯食落更滑。
軟殼蟹卷 $25/4 件
霸氣軟殼蟹卷,放咗半隻軟殼蟹做餡!捲好後加入 mix 好半融嘅 Mozzarella、車打芝士及忌廉芝士,再唧啲沙律醬及秘製辣醬汁,並用火槍輕輕烤香。即炸軟殼蟹脆脆香口,配以鹹香味濃嘅車打芝士,重口味之選!
火炙芝士三文魚刺身 $38/4 件
平日食開都係玉子燒夾芝士,小店再展示不甘平凡嘅本色!將玉子換成三文魚刺身,2cm 厚嘅三文魚中間夾着 Mozzarella 芝士,輕輕火炙令魚脂迫出,魚油香與芝士鹹香結合,邪惡呀!
芝士鰻魚丼 $58(跟飲品、加 $10 跟前菜)
終極重口味加肥仔推介!芝士飯底混入濃味鹹香嘅車打芝士,加埋 Mozzarella 做成拉絲效果。
鰻魚豪氣地原條上,有柯打時會先輕輕燒過,再加大量芝士放面,惹味到爆!
芝味屋
地址:大角咀大角咀道 87 號地下 H8 號舖
電話:6528 6855
營業時間:12nn-12mn
文:Jessie 攝:Ki

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more