$500 有找！平食聖誕大餐提案

最Hit食訊

發佈: 2016.12.01

文:

提早過聖誕有着數│Cull'N Pistol　

蘇豪東嘅 Cull'N Pistol 主打美國東岸海鮮菜，喺全世界搜羅海鮮食材入饌。餐廳門口有半露天坐位，感覺夠晒 chill！

好多朋友仔都唔想聖誕嗰日同人迫，餐廳由 12 月 10 日開始就有聖誕餐，一直供應到 12 月 24 日！價錢真係錫住你銀包，$308/ 位（另收加一）！聖誕餐有齊頭盤、主菜和甜點 3 道菜式。頭盤新英倫馬賽魚湯，配以蜆、青口及芝士多士，海鮮味甜。

人少少又想食火雞應節，主菜 煙肉配火雞滿足到你啦！火雞肉內釀了栗子及蘋果，外層再卷上香脆煙肉，淋上紅莓汁和砵酒汁，甘香得來充滿果味。最後以糖煮核桃、肉桂、蜜糖吉士點綴，及呍呢嗱雪糕嘅聖誕布丁做甜品，都算豐富。

餐廳於 12 月 24 日晚推出平安夜套餐，$488/ 位（另收加一）。頭盤可揀 烤雅枝竹沙律、海鮮馬賽魚湯或 香煎帶子。

主菜有 虎蝦墨汁意粉、炭燒波士頓龍蝦、烤澳洲羊架。愛牛扒嘅必揀 10 安士烤愛爾蘭肉眼扒，配蘆筍、蜜糖紅菜頭和紅酒汁，吸引！平安夜套餐更包甜品及紅酒一杯㖭！

Cull'N Pistol

地址：西灣河鯉景灣太康街 55 號 A 期 GA1-3 號舖

電話：2513 0199

供應時間：星期六、日及公眾假期 11am-3pm

【聖誕去邊】 北海道「白い恋人公園」搬咗嚟香港？！

$338 韓風炸雞聖誕│Pizza Maru

聖誕節一定要食西餐？哈韓族可以食炸雞過節！銅鑼灣希慎嘅 Pizza Maru，推出韓風聖誕餐。餐廳裝修到好colourful，K-pop 無限 loop，氣氛夠熱鬧！

講返聖誕餐，餐廳會於 12 月 24 至 25 及 31 日晚上供應，每位 $338。提提你，聖誕餐兩位起，想過 lonely Christmas 嘅你就無份啦！先嚟 Chandon Brut NV 氣酒，再送上包括 蜜糖柚子花園沙律、蜜糖忌廉炸薯條、芝士脆包及 卡邦尼年糕嘅頭盤，清新開胃。

主菜可揀一款 韓式薄餅、炸雞（6 件）或 香辣海蝦玫瑰意粉。推介芝士迷試吓 聖誕限定版火雞盛會芝加哥薄餅(另加 $50)。薄餅本身以 3 款芝士製作，再配搭應節火雞，惹味到暈！

必試蜂蜜蒜泥秘製炸雞，炸雞沾滿甜香蜂蜜及辛辣蒜泥，好滋味！甜品有法國空運嘅歌劇朱古力蛋糕。套餐仲包埋飲品，可於 濟州橙汁、番石柳果汁、西柚冰樂、玫瑰茉莉花綠茶及 玄米綠茶自選一款。

Pizza Maru

地址：銅鑼灣軒尼詩道 500 號希慎廣場 13 樓 1302 舖

電話：2318 1012

營業時間：11:30am-11pm

【精選放題】 雞翼控揮手區！1.5 小時任食 12 款雞翼

$388 開心 share 肉食派對│The Chop House　

位於鬧市旺區嘅尖沙咀，一樣有平價聖誕餐！好似尖沙咀尖沙咀美麗華商場嘅 The Chop House，設有露台位，望住尖沙咀夜景歎晚餐，好爽！

尖沙咀店嘅聖誕餐，由 12 月 24 日至 26 日期間於晚餐時段供應。聖誕餐有 5 道菜式，每位 $388，另收加一。頭盤 聖誕古巴卷以聖誕火雞為靈感，釀入豬肉、鵝肝及栗子，並配上葡萄乾紅酒汁，味道層次十足。另一道頭盤 帕爾瑪火腿及無花果沙律，用咗 36 個月帕爾瑪風乾火腿，伴意大利無花果、沙律菜、菲達芝士及紅莓汁，甘鹹中又好 fresh！