抹茶 + 紫薯 Affogato 你啱邊款？

記唔記得灣仔有間 Kafulin Gallery？呢間以「旅遊」做主題嘅 cafe，牆上掛滿老闆店主旅遊照片！地方不大，只得 8 至 10 個座位，但感覺寫意輕鬆。初開店時憑草泥馬芭菲爆紅，最近 cafe 推出新款 affogato，單睇口味，已經知道一定吸引到甜品控！

【 相關連結 】 旅遊 Feel 雪糕店 食抹茶雪糕 + 草泥馬芭菲

計埋原來的款式，現時整個 Affogato 系列共有 5 款口味： 原味、紫薯、伯爵茶、抹茶及 法國朱古力。每杯雪糕唔係跟 espresso，而係跟 1 小杯熱辣辣醬汁，好得意。先講雪糕，有牛奶、抹茶 2 款選擇，牛奶雪糕用 3.6 牛乳製成，味道偏甜，奶味濃；抹茶雪糕所用嘅抹茶係直接從京都宇治百年老牌訂購，茶味夠純正，微甘，一定滿足到抹茶鐵粉。雪糕可以配不同醬汁，好似紫薯漿、抹茶 latte、伯爵茶等，店家雖然已 定好 5 款，但大家亦可自己 mix and match。

Uji Matcha Affogato $36

將溫熱嘅抹茶 latte 倒入冰凍嘅宇治抹茶軟雪糕同吃，味道即時 double up，抹茶控必 like！

日本紫薯 latte X 牛奶雪糕 $36

一小杯嘅紫薯漿，顏色偏淺，帶少許天然紫薯甜味，與濃滑嘅牛奶雪糕同食就最夾！淺紫色撞埋奶白色，視覺上亦好 eye-catching，影相一流！

【紫薯狂熱】 100% Match！紫薯糊 x 豆花

伯爵茶 X 牛奶雪糕 $30

Earl grey 原本茶味偏淡，這裏就用上 3 倍嘅英國伯爵茶葉嚟沖製，先做到而家咁濃烈嘅茶香。聽老闆講，伯爵茶仲係 5 款之中最受歡迎㖭！一淋落牛奶雪糕，「奶茶」味真係好濃好香，食落既濃且滑。

法國特濃朱古力 X 牛奶雪糕 $30

可可味超香濃，味道偏苦，但淋落偏甜嘅牛奶雪糕就啱啱好！

Affogato $30

原味 affogato 自開店以來已有供應，北海道 3.6 牛乳雪糕以及來自瑞士嘅咖啡豆沖製的咖啡，口感一甘一甜，幼滑帶奶香。

嚟緊 cafe 又會轉新嘅旅遊主題，仲有新款熱食㖭，值得期待！

Kafulin Gallery

地址：灣仔巴路士街 17-21 號樂景大樓地下 4 號舖

電話：3709 8434

營業時間：星期日至四 12nn-9:30pm、星期五及六 12nn-10pm

文、攝：Joyce

【周末去邊】 熊式聖誕 同 Kumamon 影餐飽

【今期必試】 內藏奶凍！口感 QQ 朱古力綠茶卷

【得意主題】 聖誕食！Kawaii 小紅帽甜品