搶眼!性價比高!$98 原板海膽 Risotto

發佈: 2016.12.05
文:

成日都覺得,海膽一定要配白飯先食得到當中的鮮味,但位於深水埗的 L Place Cafe,將原板韓國海膽配意大利飯,gimmick 搶晒鏡,但估唔到味道都好夾!老闆之一蕭潤邦(Oscar)話:「香港人咁鍾意食海膽,所似諗諗將海膽放進意大利飯中,後來又覺得如果原板海膽上枱,食客親自撈會幾好玩。」所以,海膽與 risotto 是分開上桌的,大家撈好食又得,一邊食一邊撈又得,得咗!
原板海膽配紅菜頭忌廉汁意大利飯 $98(優惠期由即日至2017 年 1 月 2 日)
以紅菜頭忌廉汁煮飯,每啖飯都食到淡淡蔬菜甜香,飯粒軟硬適中,齋食飯已經好好味;當然啦,加埋原板韓國海膽拌食,口感更creamy,仲散發點點鮮甜味㖭。
選用韓國海膽,Oscar 話:「當然知道加大拿海膽味道會更鮮,但成本太高,唔想轉駕給客人,所以選用較相宜的韓國海膽,海膽味較淡,亦不失鮮味,配 Risotto 啱啱好。」
呢個飯最先在尖沙咀樂道的 Candies Foodies 試推,反應不俗,碰啱 L Place Cafe 一歲生日,試試以 $98 優惠價(原價 $188)推出,希望有更多吃貨食到。此外,蒜蓉牛油焗波士頓鮮龍蝦拼免翁牛柳亦在優惠期間以割引價 $138 力推,都算抵食。
海膽 Risotto 可以拌勻來吃,亦可以將海膽鋪在 Risotto 上,點食都咁滋味。
蒜蓉牛油焗波士頓鮮龍蝦拼免翁牛柳 $138(優惠期由即日至 2017 年 1 月 2 日)
選用活波士頓龍蝦炮製,新鮮之餘,肉質特別爽彈;加上澳洲免翁牛柳,同時滿足食海鮮和食肉的願望!牛溜係牛腰肉,肉質軟腍有牛味;菜式連餐湯及飲品,原價$218,而家優惠價 $138,9pm 後入座只係$118,抵。
半隻開邊龍蝦上枱,真材實料。
免翁牛柳好軟腍,牛味香濃。
L Place Cafe
地址:深水埗福榮街 64 號地下
電話:2723 7660
營業時間:11:30am-11pm
註:設加一
文:Theo 攝:Brian

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more