任食糖果屋!現身赤柱聖誕市集 

發佈: 2016.12.06
文:

上年赤柱廣場舉行的德國聖誕市集大受歡迎,今年食過翻尋味,繼續以德國做主題,不同的是注入格林童話元素,將廣場變身成德國童話村。
講到焦點,必定是高 5 米,外型甚有童話故事 feel 的糖果屋,屋仔睇落細細,但就有近千枝手工糖果品牌 Papabubble 的波板糖,而且仲有 8 款限定的獨特口味,如荔枝、芒果及可樂等,每枝波板糖如七彩水晶燈掛在屋中,好夢幻!有得睇更有得食,只要在商場或市集消費滿指定金額,可以在糖果屋任食任影任玩 10 分鐘,快?約埋 frd 子食個夠啦!
糖果屋內有過千枝波板糖,任食唔嬲,只怕你唔夠食力。
8 款限定獨特 波板糖口味,如紫 + 白色的荔枝味、橙+ 黃 + 綠的芒果味、紅 + 綠的西瓜味、綠 + 藍的奇異果味、橙色的橙味、紅 + 白的朱古力味、啡色的可樂味及米黃 + 啡色的鴛鴦味,只限糖果屋先食到。
糖果屋外,有多達 80 個食買玩攤檔,每個攤檔都圍繞住德國或童話故事,好似德國出名的啤酒、蜂蜜及小食,充滿童話 feel 的手工藝擺設、飾物、聖誕吊飾。溫馨提示,各位最好帶定足夠銀彈先好進場。
水晶球曲奇 $42、薑餅人曲奇 $50
充滿童話 feel 的曲奇餅,每款一個故事,而且仲會好似水晶球有飄雪效果。仲有聖誕不能沒有的薑餅人,造型得意又好味。
攤檔名稱:Sugar Lip(攤檔編號:A27)
秘製醬汁 Pretzel $35
德國人最愛食的小食卷餅 Pretzel,有兩款口可選擇;沾滿芝士醬加上炸至脆身煙肉,夠惹味。想食甜的,亦有沾上白朱古力及秘製配料。
攤位名稱:Classified(攤檔編號:B18)
德國手工蜂蜜啤酒 $60、Honey Bear 軟糖 $100/ 3 包
德國啤酒出名,不用多講,今次加了有機蜂蜜,飲落有陣蜜糖清甜,麥味又夠香濃,不錯!至於用有機蜂蜜造成的軟糖,同樣食得出蜂蜜的清甜味
攤位名稱: He X API(攤檔編號:B05)
木製香薰座 $800-$1,000
除啤酒外,德國的木製品都相當有名,好似有百年歷史的 Mueller,手工精細又可愛,尤其呢系列以聖誕及童話做主題的香薰座,全人手製造,香薰會在聖誕老人口中噴出,好搞鬼。
攤檔名稱:Mueller(攤檔編號:A39-40)
本地手造飾物 $200-$800
市集亦有不少本地手作達人的手作售賣,好似呢一系列以日式染布花製作成的童話feel 飾物,由頭飾到頸鏈都是全人手製作,夠晒細緻獨特,又容易配襯。
攤檔名稱:香港染布花工房(攤檔編號:A01)
赤柱廣場德國童話村聖誕市集
日期:12 月 10 日至 11 日及 12 月 17 至 18 日(連續兩個星期六及日)
時間:12nn-8pm
地點:赤柱廣場天幕廣場
註:關於「糖果屋任食」細則︰
1 . 於即日至 18 日期間在赤柱廣場及德國童話村聖誕市集內,以電子消費滿 $500(最多 2 張單),即可換領波板糖自助餐參加證一張。
2 . 自助餐證換領時間為 12 月 10、11、17 及 18 日 12nn-8pm,地點為聖誕市集禮品換領取處。
3 . 波板糖自助餐每日名額 96 人,先到先得,換完即止。時間為 3pm-4pm、6pm-7pm 共 2 個時段,每個時段有 4 節,每節 10 分鐘,每節最多可供 12 人參與。
4 . 表演及聖誕老人現身時間:12 月 10、11、17 及 18 日 2pm-7pm
文:theo
【秋冬之選】 冬天啱食!薑檸蜜雪糕

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more