震懾眼球!火鍋精大戰豚肉山!

發佈: 2016.12.08
文:

吉豚屋推出期間限定嘅豚肉山鍋系列,有 2 款選擇︰壽喜燒鍋定食 / 泡菜鍋定食。兩款配料大部分都一樣,除咗有超震撼 豚肉山,仲有美國雞肉、津白、銀芽、韭菜、辣椒絲白飯 / 烏冬。不同嘅係,壽喜燒鍋定食會有大葱,而泡菜鍋就會跟泡菜!
 
豚肉山壽喜燒鍋定食 $69
喺日本食過壽喜燒嘅人都知,壽喜燒係非‧常‧甜!餐廳特別為香港人重新調配過壽喜燒汁口味,雖然味道依然偏甜,但唔會太搶其他食材嘅鋒頭,而且食起嚟又健康啲!另外,壽喜燒鍋跟送日本生雞蛋 1 隻,可以畀客人蘸蛋汁一齊食!
 
齋睇豚肉山,都足以震驚一班火鍋精!店子對每座豚肉山都會訂出標準,每座山都足 100g 豬肉 + 140g 銀芽 + 雞肉,非常足料!豬肉係美國熟成豬,並採用豬腩位,每塊切到薄薄哋,帶少許雪花,睇落激似雪花肥牛!內裏嘅銀芽盡吸壽喜燒汁嘅濃郁湯汁,食起嚟好鮮甜,味道一絕!
 
豚肉山泡菜鍋定食 $69
泡菜湯底亦經店子自家調配,調出 1 款既有泡菜辛辣,又唔會太辣而遮蓋其他食物嘅味道!呷咗一啖,開頭不太感到辣味,跟住就嘗到泡菜嗰股後勁,唔會辣到令人覺得辛苦,加上聞落亦都幾香,讚!同樣有 100g 豬肉、140g 銀芽同雞肉,特別一讚個雞肉,雖然只有 2 件,但 size 都幾大塊,而且係雞上髀位,口感好嫩滑。
 
嫌唔夠喉,想追加配料?暫時只有蔬菜類、雞蛋、烏冬及白飯可追加,聽講嚟緊 12 月中會加推幾款日本手打丸㖭!
 
必彈位︰可惜,兩款豚肉山鍋都係不包飲品,須另外 order,望望 drink menu,一般 $8-$10 就可有特飲 1 杯,價錢尚算 OK!
 
吉豚屋吉列豬扒專門店
地址:油麻地彌敦道 546 號旺角大樓地下 B-C 舖
電話:2568 0688
營業時間:11am-12mn
註:每日下午 3 點後供應;設加一;供應期至 2017 年 2 月 ;全線分店供應
 
文:Joyce、攝:Lok
 
【3 點 3 推介】 大件夾抵食 重量級 Tea set
 

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more