Party 唔駛愁 靚絕外帶英式 Tea Set

發佈: 2016.12.09
文:

新出外賣套裝:綠野遊踪閃遊套裝(左)以貓咪及綠茶做主題;飄雪樂園隨身行套裝(右),有浪漫 Tiffany blue 及迴轉木馬做主題,滿滿少女風。
DK Cuppa Tea 一直有推出靚靚下午茶,繼之前的鴨鴨泡泡樂、萬聖節玩嘅主題,老闆娘 Kat 再次花盡心思創作,今次的新作係︰外賣下午茶!
知道我哋女仔鍾意去食 tea 打卡,依家有外賣 tea set,帶去 picnic 又得,去邊度開 party 都得,又靚又方便,聖誕 party 食乜好?不再頭痕!
飄雪樂園隨身行套裝以藍色為主題,最上層有一隻栩栩如生白馬,以翻糖 (fondant) 製成,精緻到唔捨得食;仲有伯爵茶味 Earl Grey cup cake,配夢幻藍色忌廉。
松石藍色米通餅,食落係?呢?味,脆得來好鬆化。
鹹點有特色素菜撻,味道有 磨菇、南瓜、洋蔥、意大利番茄、菠菜等,套裝會 random 放兩款口味。
飄雪樂園隨身行套裝
價錢:$348 (二人份)、$568 (四人份)
綠野遊踪閃遊套裝以可愛貓咪及綠茶做主題,最上層的綠茶 cupcake 就以貓咪公仔做點綴。
全部都係貓:貓樣牛油曲奇、貓掌綠茶軟心朱古力、綠茶 Macaron。
外賣套裝只要 1 分鐘就裝好,好方便。
綠野遊踪閃遊套裝
價錢:$398 (二人份)、$698 (四人份)
聖誕 Tea Set 轉轉轉
除了外賣英式下午茶,仲有一套聖誕英倫 tea set 即將曝光:「皇家奇想曲 Royal Fantasia」,最大亮點係精心設計嘅電動磁石轉盤,兩隻熊 bear bear 會不停在盤上旋轉(留意片段),原理係插電推動磁石移動,老闆 Kat 指用了幾個月時間設計,令熊仔轉動更流暢,好花心思!聖誕 Tea set 13/12 起供應,為免臨近聖誕難 book 位,各位有興趣人士最好快快起動,打電話預約。
充滿英倫風的下午茶:皇家奇想曲 Royal Fantasia
咪以為設計咁靚得個樣,食物質素都好講究,例如鹹點 「英式肉醬肉丸薯蓉」,用上台灣純牛肉丸,無混入豬肉等雜肉,食落充滿牛肉香。
阿 Kat 為求盡善盡美,食物的 detail 位要求好高:皇冠及熊仔黑朱古力連細紋都條條分明;黑松露芝士蛋糕 (最左) 用上意大利黑松露,芝士軟滑中帶菇香。英國旗棒子馬卡龍食落唔太甜,樣子型格;另外玫瑰朱古力心太軟 (最右) 會等客人影晒靚相後,再召侍應叮熱即食,品嘗啖啖香濃流心,安排細心。
食 tea set 唔只美食,仲有好多玩法:隨餐附送精美 postcard,可寫下聖誕願望或祝福語,拿走當紀念或放門口郵筒亦可。奉送 magic card 及香薰噴霧花水。
是次 tea set 以英倫風及皇后做主題,餐廳有好多后冠作道具影相打卡,唔駛自己買,環保又好玩。
皇家奇想曲 Royal Fantasia
供應日期:13/12 起供應,須最少一日預約
價錢:$298/位 (最少兩位,另收加一)
白馬外賣禮盒
仲可以掃禮物,呢個「飄雪樂園節日禮盒」($398),內裡有伯爵茶朱古力曲奇、木馬曲奇,主角仲有木馬造型白朱古力,將禮盒拆開後可併做木馬盤,好夢幻。
拆開後可以砌成木馬圓盤,曲奇食晒,仲可以留個盒當裝飾。
禮盒附送價值 $98 的香薰噴霧花水及 magic card。另外亦附 coupon 並完成 Facebook 及 Instagram tag,可以到銅鑼灣分店學「DIY 屬於自己的香薰噴霧」製作班,平日單是學費已需 $300-$580,禮盒送埋堂費真係好抵。
DK Cuppa Tea/ DK Aromatherapy (蘇豪)
地址:中環士丹頓街 16A 地下
電話:2771 2847
營業時間:11am-10pm
DK Cuppa Tea/ DK Aromatherapy (上環)
地址:上環新街市街19號地下
電話:2386 3588
營業時間:11am-8:30pm
文:Celia、攝:Lok

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more