葵廣嘅舖頭唔單止換畫換得快，就算係同一間小食店，都不時有新出品。
就好似之前賣公仔雪糕 Macaron 的 1830s，最近推出冬甩飯。店員 Hin 話：「之前喺韓國食過，覺得好正，尤其係冬天，凍冰冰食到個熱燙燙又多料的冬甩形飯團，好 warm。」
香港版本分量十足，可於雞肉、豬頸肉及煙鴨胸等主食中揀一款，再追加 3 款配料，加埋混合糙米及白飯，醬汁都有 3 種可以揀。「韓國版本只得一款主菜及配料，而且只是用普通白米飯，感覺較單調，所以今次除咗加重料外，亦加入糙米炮製，食得健康啲。」大大件冬甩飯團都係 $28，作為一個韓風 lunch 也不錯。
【韓風來襲】
韓國到着！安東燉雞 + 勁拉芝年糕
製法很花心機，先將配料放在冬甩模內，放上糙米白飯，入焗爐加熱，最後淋上醬汁即成；熱燙燙，最適合冬天食。
豬頸肉冬甩飯 $28
豬頸肉質感爽脆不太鹹，加上清爽的青瓜片及粟米粒，中和豬頸肉的油膩感，配甜甜哋的豉油，好食。
煙鴨胸冬甩飯 $28
至於
煙鴨胸，去除鴨皮及脂肪，食落更有咬口及健康，配
火腿、青瓜及粟米粒及
OK汁，成個沙律咁清爽開胃。
【美食激鬥】
4 大名店抹茶雪糕 邊間最正？
切開中間，飯的分量夠多，亦見到粒粒糙米，飽肚之餘好健康。
有 3 款醬汁可選擇；燒汁惹味、甜豉油夠百搭，與任何配料都好 match；OK汁酸酸哋又夠開胃。
1830s
地址：葵涌廣場 2 樓潮流廊 2006 號舗
電話：從缺
營業時間：2pm-10pm
文：Theo 攝：Brian
【聖誕去邊】
韓粉注意！O'SULLOC 出抹茶朱古力
【葵廣情報】
任食糖果屋！現身赤柱聖誕市集
歡迎你 like 我哋 U Food Facebook Page / U Food Instagram ，取得我哋更新更快嘅資訊！
