海港的店主區先生精於釣魚，所以他會入一些漁民或釣魚友愛吃的海魚仔，Ken 大讚：「區先生煮海鮮有一手，他專門入幾両重的海魚仔如石狗公、馬友、金鼓，甚至少有的白頸老鴉及藍荷包魚都有！大酒家往往只會入大魚，其實細細條的魚仔肉質更嫩更有魚味。」區先生笑着辯護：「我都有入十多斤的大斑，用來炒斑球。不過，街坊及漁民都愛細魚，我也樂於入貨。」
招牌清蒸鹹魚
除了一般的清蒸及油鹽水煮魚，區先生還有獨門祕方，就是蒸鹹鮮。他會選一些細條，有魚味但肉較削的魚仔如馬友狼、青根等，用粗鹽醃個多小時拿去清蒸，只放薑絲不下豉油。以為一定鹹死兼無肉食，誰知 Ken 挾起一塊，竟大呼美味：「好鮮味，肉又夠嫩滑，我要叫一碗白飯來送魚！」如此神奇，原來區先生知道馬友狼的肉較削，而且一釣上水很快斷氣，於是用鹽醃過，鹽抽走魚肉的水份便能令魚肉變得挺實，亦保留鮮味。每天中午，區先生都會推出蒸鹹鮮魚午餐，才 $28 一份，晚上則可以叫一碟，$38三條。
除了煮海鮮一擔心機，區先生就算做其他菜式都像媽媽般用心。就如一碗例湯，他每天 7am 便會到街市買豬骨回店舖煲湯底，到各街市搜購海產、菜、肉後，回店後加入新鮮材料再慢慢熬，讓寡佬街坊有碗靚湯滋潤。就像這天的粉葛煲鯪魚，連赤小豆及扁豆的分量都計到足，難怪 Ken 說：「老闆還會根據天氣決定煲哪款湯水，一碗無味精的靚湯也如此細心，真不簡單。」
海港食家
地址：香港仔鴨脷洲大街 71 號
電話：2552 6463
（原文摘自《U Magazine》 文：林之 圖：攝影組）
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
