達人海鮮正店推介

No.1 芝士焗龍蝦

8,000 篇食評，真係食勻全港，搵 KC 介紹海鮮正店一定無搵錯人。KC 識揀，都係因為他試得多，市區食海鮮他揀低調、足足有 40 年歷史的海鮮酒家竹園。

KC說揀竹園皆因這裏的大路海鮮煮法樣樣掂塘炒法做得耍。「好像豉椒炒般，豉椒炒得夠惹味但又唔會太濕，而且有豉椒應有鹹鮮味道；避風塘炒法做得耍家，蒜頭乾身唔會滴油，又帶辣味唔會一味得過鹹字，其他如椒鹽、油泡、油鹽水浸等做法也有板有眼，師傅又將海鮮的質地控制得好，入口鮮而唔老，無幾多間市區的海鮮酒家可以做得咁全面。」KC 說。

而 KC 認為這裏做得最好的是「芝士牛油焗龍蝦」，甚至認為是全港的 No.1。「芝士同牛油推得夠勻夠滑，芝士汁放涼後沿邊都唔會滲出牛油，加上又用卡夫芝士，芝士味夠 Rich，龍蝦也油泡得爽彈唔韌，價錢中上都抵畀。」他說。細細個就幫媽媽買開餸的 KC 也讚竹園的海鮮料夠靚。「龍蝦新鮮，油泡後夠彈牙；蟶子即劏即煮，無話劏定的，煮好才唔會隱約帶苦味；肉蟹肯定生猛，煮好後肉質甜又嫩。」

竹園海鮮飯店
地址：尖沙咀漢口道 28 號亞太中心南翼地庫
電話：2722 0633

歎赤柱 秘竇靚海鮮

鍾意黐住個海的人，食海鮮一定叻叻。王凱韋（Ken） 最鍾意食下價細魚，貪牠們味濃好送飯，所以唔鍾意幫襯海鮮檔買太大路海鮮。「好多人唔記得赤柱以前是漁港，好多原居民仍然會出海攞魚，這些艇家會在早上及晏晝出海捕兩轉魚，10am 及 3pm 就會返回正灘賣，唔係好多人知㗎！」不同的艇有不同的魚產，Ken 最愛在這裏買細細條的斑仔、雞魚，更鍾情墨魚仔、蝦同藍花蟹，他說這些海鮮全部即捕即賣，游水生猛之餘，仲平過海鮮檔成半，漁民又老實唔呃秤，唔靚都唔賣畀客，那份人情味已經值得去幫襯。

阿 Ken 唔愁靚料的來源，所以最緊要搵到間巧手的海鮮酒家加工。「赤柱以前係漁村，酒家烹調海鮮點會唔掂，這間酒家收費又平，煮法係簡單，但從來唔會將客人的海鮮煮過火，所以幫襯咗好多年。」他的私房推介是豉汁蒸魚及椒鹽做法，豉汁具家常風，魚肉保持嫩身，後者又唔會炸乾晒又鬆化，來這裏必試。

赤柱酒家
地址：赤柱赤柱大街 126 號上層 U1 及 U2 舖
電話：2813 2880

(原文摘自《U Magazine》文：sieg、圖：May、Kwan、Kam、Kee、Sky、Ken)