為了將花款多多的星馬菜完整呈現出來，總廚謝師傅不止堅持選用米粉、雞油、黃薑、香茅等來自當地的食材及調味料，甚至跟隨酒店老闆的檳城朋友走訪當地試菜兼學藝，回來再帶領廚師團隊，做出沙嗲、喇沙、星馬甜品等菜式，出品質素有水準。
菜單上有 30 多款選擇，必試正宗海南雞飯，無論是選雞種、調校醬料、切雞的刀法以至餐湯都一絲不苟。不少粉麵都見特色，如椰香陣陣的新加坡叻沙、以鮮鴨熬製的檳城湯河。別忘記試埋坊間少見的蒸西米糕伴棕櫚糖、香茅涼粉冰、薑母奶茶等。睇番價錢，最貴的都只是 $108 的海南雞飯，單叫其他炒麵或主菜連加一亦不到 $100，價錢合理。
馬來一菜館
地址：西環皇后大道西 508 號 2 樓
電話：2213 6613
(原文摘自《U Magazine》文：Silva、圖：Keeyau)
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
