李純恩(專欄作家、食家)：「幫襯舖頭好多年，水準一直好穩定，晚上來吃一碗粥，脾胃感覺舒服又滿足，必食豬膶粥、炸両及乾炒牛河！」
店子跟何洪記系出同門，當然不是泛泛之輩。李純恩說：「我幫襯咗好多年了，食物質素好穩定，不時跟太太來、帶外國朋友來，食碗粥、炸両做宵夜，輕怡又暖胃，睡也睡得特別好。」
店子具名氣，環境雅致，不少人專誠捧場食粥粉麵，半夜 12 點關門，雖不算夜，但已足夠臨睡前來「補給」一下。師傅班底多年來合作無間，經驗默契取勝，還以靚料即製，質素怎會不好？
粥底以明火熬煮至爆花，綿綿滑滑，還加入腐竹添豆香，李純恩大讚粥品最出色，必食生滾黃沙豬膶粥，豬膶片片鮮嫩，有咬口。另一推介炸両，自家製油條外層裹着布拉腸粉，薄得透亮，兩者合二為一，外軟內脆，蘸點醬油、甜醬及麻醬最夾。
若跟大班朋友來宵夜，便可多點幾款美食，像乾炒牛河，夠鑊氣，醬油沾上條條河粉，入味均勻卻不油膩；酥炸蜆芥鯪魚球，即點即人手搓成，還慢慢用油溫浸熟，全是花心機時間之作，香脆鮮甜。來這裏，不止食到飽，還可回味廣東粥麵的好滋味。
正斗粥麵專家
地址：跑馬地景光街 21 號地下
電話：2838 3922
(原文摘自《U Magazine》)
