甜品店 Young Line 踩入葵廣賣小食

發佈: 2016.12.16
文:


葵廣 3 樓嘅外圍布滿小食店,每日都堆滿嚟搵食嘅朋友仔,葵廣小食範圍亦不斷擴展。3 樓嘅 TOP 世界,預計於下年 4 月開至少 4 至 5 間新小食店。未收到風有乜新食店會開,但最先進駐嘅「五代同糖」已經夠吸睛!


原味雞蛋布甸、朱古力味雞蛋布甸 $12/ 隻、$20/ 兩隻、$50/6 隻
小店其實是糖水店「五代同堂」嘅新版,現時糖水店已全部關掉,今次轉新風格,走年輕人及以輕食路綫。負責人將糖水店嘅招牌作 keep 住,喺葵廣繼續賣雞蛋布甸。原味布甸富蛋香、入口滑嘟嘟;朱古力味嘅布甸上加咗朱古力粉,朱古力味 double up。


抹茶味雞蛋布甸、士多啤梨味雞蛋布甸 $12/隻、$20/兩隻、$50/6隻
選用日本抹茶粉製作,由於抹茶帶微苦,所以加咗本地百花蜜增添甜度。粉紅色嘅士多啤梨加咗新鮮果粒,好 fresh。

環球食訊:吓?!KFC 出炸雞味蠟燭!


(左起)一蝶檸檬酸、菠椰菠蘿蜜、藍蝶地桃 $20
招牌雞蛋布甸之外,仲有一系列用玻璃奶樽載住嘅飲品!其中「一蝶檸檬酸」「藍蝶地桃」仲用咗泰國藍蝶花製作,再分別加上檸檬汁、桃味果汁及梳打,特飲分兩層唔同顏色,年輕人最 buy!中間嘅菠椰菠蘿蜜即是菠蘿加椰汁,味道自然。


巨芒冰冰(期間限定)$28
芒果甜品幾時都唔會 out!呢杯期間限定芒果特飲,用新鮮芒果肉打製成芒果汁,味濃唔酸。


葵廣小食店空間細,好多都只能夠將食物翻熱。但小店佔兩間舖位,仲有抽風設備,可以即場炸煮食物。


五代同堂 $56
呢個大堆頭小食杯,底層是自選飲品,店長推介以荔枝味及柑橘味果汁,mix 成嘅柑仔三把火,味道清新,可以去除炸物嘅油膩感。頂層嘅小食拼盆有炸薯角、芝士春卷、炸洋葱圈、一口西多等,豐富到足夠兩人 share;邊逛街邊歎最爽。

本周精選:
築地場內壽司店到着!1 折食海鮮丼


LEGO 包 $25
店中有好多小食都是由幾位負責人親自製作,唔係拎來貨加工㗎!好似呢個變奏版嘅台式棺材板,有柯打時炸麵包再即場加餡料。呢個係以 mozzarella、車打芝士與煙肉及番茄粒炒蛋,再配千島醬,好豐富!另外仲有吞拿魚加蜜桃、蟹柳沙律及香蒜洋葱炒香腸薯仔粒等。


脆脆西多士 $12
西多士即叫即炸,拎上手熱辣辣!一咬,西多脆到𠝹口!可惜中間嘅花生紅豆餡比較少。


溶岩芝士春卷 $20
心機之作,每條春卷都係自己親手包㗎!春卷皮包住 mozzarella 及車打芝士,爆晒芝㗎!


五代同糖
地址:葵涌廣場3樓 TOP 世界 3069-T16-17 號舖
營業時間:1pm-10:30pm
Facebook:family.five5

文:Jessie、攝:Brian

聖誕去邊:北海道「白い恋人公園」搬咗嚟香港?!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more