真‧懷舊士多 升呢雜貨店

發佈: 2016.12.29
文: sieg

舊士多執下又一間,想搵返士多情懷,大家可以嚟呢度,這個懷舊士多,唔係布景版咁簡單,店內的汽水櫃、水櫃、牛奶公司雪糕櫃、干邑百蘭地酒辦、汽水鐡皮宣傳版、50、60 年代的汽水樽等,都是老闆 Patrick 的珍藏,件件都嚟自香港啲老士多,大家可以近距離睇下摸下,最近士多擴充規模。

新增了雜貨區,大家除了可以嚟呢度飲綠寶,仲以買埋兒時的零食,可樂糖、汽水粉、吹波糖、眼鏡朱古力等全由日本直送;仲好似舊士多咁糧油洋酒都賣,不過係升呢版,有 1964 年的意國紅酒、手工啤酒、西班牙罐頭同北海道薯仔湯等。必買有 Patrick 訂造的懷舊聖誕襪,裏面有懷舊零食同玩意,買 1 年,士多仲送 1 份零食包畀基層小朋友,好有意義。
有得賣之餘,仲有得玩,士多裏有個 80 年代士多必備的神秘機竇,Patrick 喺日本搵返第一代食鬼街機、同太空侵略者枱面機回來,有無機會打幾局真係睇下你彩數。嚟到仲可以「撍」埋大啷啷、膠蛇同彈彈波、又可以站上戲院鐡磅磅重,好精彩,上到嚟瞬間令人變回蒲士多的小學雞。

老闆 Patrick 他跟拍擋 Kinson 花上一個月重新裝修,將收藏的士多舊物打造真實士多場景。

真‧懷舊士多 升呢雜貨店

舖內新增了售賣手工啤的部分。

真‧懷舊士多 升呢雜貨店

這舊式汽水櫃由剛結業的土瓜灣半世紀士多「安樂水電工程」轉交給 Patrick 。

紅酒 $168
店裏也有些舊紅酒發售,最特別是中間那枝 1964 年出產的意大利著名酒莊 Pio Cesare Barolo 紅酒。另外兩款分別是 Sartarelli Tralivio 及 Valpolicella Ripasso。

真‧懷舊士多 升呢雜貨店

綠寶汽水 $10 樽
嚟呢度仲可以將懷舊味飲落肚,呢度有泰國版的枝裝綠寶飲,大家記唔記得綠寶係無氣的,色素也不會再留在脷上。

真‧懷舊士多 升呢雜貨店

Estrella Damm Inedit 750ml $128
由世界 no.1 餐廳 El Bulli 名廚 Ferran Adria 與西班牙酒廠 Estrella Damm 聯手推出,最大賣點是擁有如香檳咁幼細的泡沫,帶果香與花香。

卡通吸波膠 $2 粒
士多仲跟足舊士多般,設神秘機竇,放了第一代食鬼機、Space Invaders 及兒童老虎機。

真‧懷舊士多 升呢雜貨店

眼鏡朱古力 $5
專登從日本引入這款由 1967 年開始生產的版本。

真‧懷舊士多 升呢雜貨店

啤酒汽水粉 $5 包
細時最愛的汽水粉,要直接倒入口吃。

藍牌西班牙辣八瓜魚 $110

真‧懷舊士多 升呢雜貨店

聖誕老人襪 $99
懷舊聖誕襪是 Patrick 訂造的,裏面會有 3 款兒時玩意及 9 款零食,包括發泡膠飛機、吹波膠、士的糖、汽水粉、口哨糖及煙仔糖等,全部由日本搜羅回來,隨機發,等驚喜。最正係你買一隻襪,士多會送一包小禮物畀有需要的家庭,好有意義。

美樂士多
地址:長沙灣青山道 500 號百美工廠大廈 12 樓 C 室
電話:9223 8538
營業時間:12nn - 9:30pm

原文摘自 U Magazine

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more