不少人去過日本旅行，都會被當地幾乎滿瀉，堆到高一高的足料魚生飯吸引住；不用飛到日本，香港最近都開了一間啦！
位於旺角豉油街的爆丼屋，剛於2016年9月底開始試業，結合燒肉丼和海鮮丼，同時滿足到食肉獸和海鮮迷！
餐廳請來曾於半島酒店擔任大廚，有30多年做日本菜經驗的師傅坐鎮，創作出一套獨門調味和燒肉方法。
爆丼屋內多達8成食材都由日本直送，並會按季節推出時令食品。
Menu上最浮誇的，一定是這款啖啖肉的Mega燒牛肉丼（$188）！用上幼嫩的紐西蘭牛肉，切成薄片逐層逐層鋪在飯上，每層之間都會淋上以蘋果蓉調味的香蒜汁，並於最近淋上山葵酸忌廉醬，中和牛肉的膩滯，好味！
享用時可以將白飯和日本生雞蛋拌匀，增添味道層次。Mega燒肉丼超大份，份量足以讓兩人食得飽，另有供一人享用的標準牛肉丼（$128）。
至於海鮮丼方面，就有多達7款，當中「四重火山盛丼（$298）」人氣最高！
一碗有齊加拿大海膽、三文魚籽、松葉蟹肉，還有拌入清新柚子肉的拖羅蓉，非常足料，而且各款魚生都很新鮮，值回票價。
這款「帆立貝．三文魚籽盛丼（$168）」亦鮮味十足，廚師會在碗邊倒入大量三文魚籽，以底碟盛載以免食用時瀉出浪費。
更多海鮮丼包括「三文魚火山盛丼（$128）」、「三色海膽盛丼（$238）」，「極上拖羅盛丼（$228）」等，還有讓食客面前即燒的「火焰盛丼（$135）」，包含帆立貝、三文魚、左口魚裙邊和蟹棒，炙燒後魚油香氣非常突出呢！
另有數款特色小食，小編推介明太子玉子燒和左口魚黑松露醬沙律，胃大不大的朋友可以一碗飯兩個人Share，再追加小食，份量剛剛好。
餐廳開至凌晨，收工收得夜的話，去豪食一頓豐富的宵夜也不錯！特設午市和下午茶套餐，價錢平一點，份量亦少一點，適合想輕嚐丼物的朋友。
地點: 旺角豉油街50號
開放時間: 12nn-2am
電話: 2332-2918
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
