熱愛優質生活

大鑊!啤燒元蹄飯

2017.01.06

食個飯,有得食有得影相拍下片,你話幾開心呢!擺明玩嘢的龍麵館,幫中菜變潮變型。一道「啤燒元蹄」,出場就用上 Paella(西班牙海鮮飯)專用鑊,內有菜飯、石榴子及原隻元蹄,賣相震撼,侍應仲會即場撈汁分飯,等你影完再跟手 post 上網,啱啱好可以開動。
做法唔走傳統路線,叫「啤燒」是因為元蹄混合了本地手工啤,還有滷水、冰糖、韓國燒汁等略煮,再連汁放入真空袋,以攝氏 75 度慢煮 24 小時,相比一般用明火炆,元蹄特別皮光肉滑,咬落鬆化。Paella 鑊絕對唔止得個樣,用日本珍珠米做菜飯,煮好鋪上鑊再燒,薄薄一層受熱均勻,飯粒黏糯帶微焦,有咬口,加埋酸咪咪石榴子,清新解膩。

啤燒元蹄 $399( 6 位用)
成個 Paella 鑊擺上枱,以菜飯 x 元蹄 x 石榴子炮製新菜式,勁吸睛。一鑊有約 6 碗飯分量,人多才能 K.O.。

元蹄皮爽滑,肉嫩鬆化,味道甜香;日本珍珠米黏糯得來有微焦,跟小棠菜粒及石榴子食,好 refresh。

Page 1 of 3

歡迎你 like 我哋 U Food Facebook Page / U Food Instagram ,取得我哋更新更快嘅資訊!