CP 值高!私房蟹菜~

發佈: 2017.01.20
文: Pam

話說「御前上茶」老闆 Alex 係蟹癡,最近於旺角店隔離做埋私房蟹菜。餐廳只接受預約,不接walk in,還要先付全費,規矩多多,只開晚市,分 3 個時段(用餐限時個半鐘),每次招待 8人,換句話說,一日最多只得 24 個客。


在租金大過天的香港地,真係天方夜譚,以為收費天價?No!4 款套餐取名「風」、「林」、「火」、「山」,每位起錶價只係 $398,最貴的不過 $698,仲要不設加一。定價分明是 affordable luxury,每個餐有 5 道菜,由前菜食到甜品,CP 值高。


菜式不是見慣的燒蟹腳,蟹肉茶碗蒸及蟹粥,完全發揮了自家創意。4 款套餐均有柚子蟹肉龍蝦海老沙律、海膽汁松葉蟹肉、松葉蟹釜鍋及季節甜點,唯一不同的是丼飯款式,最基本的甘黃蟹丼,就有密鋪的蟹肉及蟹黃,看得人心花怒放。


「一般蟹宴多用阿拉斯加蟹、松葉蟹,我覺得質感、味道可以更多樣化。」Alex 說。於是,菜式的蟹肉並不單一,如將軟滑的日本松葉蟹肉,配每天從流浮山海鮮欄送來的新鮮紅花蟹、藍花蟹及三點蟹,蟹味濃、爽彈,混合得剛剛好,師傅每日即拆蟹肉,最鮮味。做丼飯的蟹黃醬,以蟹湯混合蟹膏、蟹黃,creamy 甘香,夾雜粒粒蟹黃。店子還自家熬蟹湯,模仿中菜的上湯,用來烹調菜式,30 斤蟹殼慢火熬煮 4 小時,色澤清澈,有蟹味又鮮甜,啖啖都是精華。

極上伊勢蟹丼 (套餐「火」主菜,$598/ 位)
超震撼的丼飯,有烚原隻澳洲龍蝦、加拿大海膽、日本帶子、蟹肉及蟹皇醬,鮮味滿瀉。

CP 值高!私房蟹菜~

甘黃蟹丼(套餐「山」主菜,$398/位)
蟹肉由師傅每日即拆,將日本松葉蟹肉、新鮮紅花蟹、藍花蟹及三點蟹混合,oishii,飯粒混合酸蘿蔔碎及炒芝麻,味道質感俱豐。

CP 值高!私房蟹菜~

海膽汁松葉蟹肉
將加拿大海膽攪拌成醬汁,再混合蟹肉,可淨吃、夾紫菜吃,或是加青瓜絲再夾紫菜吃,各有風味。

松葉蟹釜鍋
店家先熬煮蟹湯底,再逐個 order 加入蟹肉、蟹膏蟹皇烹調,松葉蟹箝已拆殼,啖啖肉。喝碗熱湯,好舒服。

CP 值高!私房蟹菜~

柚子蟹肉龍蝦海老沙律
屬開胃前菜,柚子清香,跟混合牡丹蝦肉、澳洲龍蝦肉、蟹肉及沙葛的沙律好夾。

CP 值高!私房蟹菜~

日本柚子雪葩
質感細滑,內有柚子皮,香味 double up,作完美收結,好清新。

食完海膽汁松葉蟹肉,便會附上這杯蘋果醋梳打,清清味蕾。

CP 值高!私房蟹菜~

餐具擺設也花心思,突顯蟹菜主題。

CP 值高!私房蟹菜~

布置帶和風,簡約清雅,特別搜購原條橡木餐枱,木紋好漂亮。

空海
地址:旺角廣華街 13 號廣輝大廈地下 2 號舖
電話:6010 8932(只供 whatsApp)
營業時間:6pm-11pm
交通︰港鐵油麻地站D出口
泊車︰後補
平均消費︰$400-$600

 

 

原文摘自 U Magazine

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more