外脆內軟金磚蒜蓉包 – 「泰」刺激

發佈: 2017.02.21
文: Cathy

每次搭車經過都見到餐廳外總是人頭湧湧,為免要家人於大熱天時下等侯太耐,特登早一日訂枱,但只有6pm時段選擇,其餘時段已經額滿了……

餐廳有兩層,裝修富泰國特色。樓底頗高、座位寬敞、冷氣亦充足 (好怕熱的!)

【元朗】外脆內軟金磚蒜蓉包 – 「泰」刺激

金柚鮮蝦沙律 $88

開胃又清新頭盤! 大蝦新鮮彈牙,柚子酸酸甜甜,配以乾蔥同秘製醬汁,加上少少辣味,不自覺食完一啖再一啖! 必食之選!

【元朗】外脆內軟金磚蒜蓉包 – 「泰」刺激

冬蔭功海鮮湯 (大) $158

好鍾意呢個鍋,下層可以加熱,令湯可以保持熱度! (個人不喜暖既飲品) 香茅同酸辣味突出,而蕃茄中和了辣味, 令整體唔會太辣,反而海鮮唔夠足料!

泰式炸蝦餅 $75

外皮唔算鬆脆,幸好蝦肉夠新鮮彈牙,但未算突出。

【元朗】外脆內軟金磚蒜蓉包 – 「泰」刺激

串燒拼盤 $85 / 6串

雞、牛、豬各2串。牛肉比較韌同乾身,整體味道比較普通且無炭燒味,唯沙嗲汁有香濃花生醬味,可彌補味道不足弱點。

【元朗】外脆內軟金磚蒜蓉包 – 「泰」刺激

亞萊嘜嘜特色- 蒜香包 $42

重點推介! 金磚造型相當搶眼,遠遠已經聞到好香蒜蓉味,未食都流緊口水! 食落外脆內軟,仲有好香牛油味,反而蒜蓉味就唔太濃。 有別於一般烘到硬身並有機會食到刮損上顎既蒜蓉包。記住記住要趁熱食!

馬拉盞炒椰菜苗 $68

椰菜苗夠幼嫩亦非常惹味。但比較細碟,唔多夠喉!

【元朗】外脆內軟金磚蒜蓉包 – 「泰」刺激

泰式咖喱軟殼蟹 $188

另一推介! 平時食軟殼蟹天婦羅會配酸蘿蔔汁,估唔到同咖喱又襯到喎! 份量十足,有4隻軟殼蟹,可以大啖大啖咁食之餘又唔洗「倫」骨 (更加唔洗lam個蟹殼d汁),咖喱汁於啖啖蟹肉同殼間爆出 ~ 超超超滿足的!!

溫馨提示 : 起碼3人以上才點,因為都幾膩的。

【元朗】外脆內軟金磚蒜蓉包 – 「泰」刺激

芒果沙冰

沙冰打到好幼滑而且芒果味甚濃,唔會飲到成口都係冰,值得推介!

最有驚喜都係金磚蒜香包,下次去記得要試!

「大熱天時食辣野?! 嗯…我都係食手手好過囉 ~ 呼嚕……」為食貓說。

亞萊嘜嘜泰越小廚 AloyMakMak
地址:元朗安樂路1-11號明珠樓地下

原文刊載自UBlog,本篇圖文獲作者 為食貓呼嚕嘆世界 / 為食貓呼嚕嘆世界 Facebook專頁 授權刊登,未經許可,請勿轉載。

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more