大人氣素食 Buffet——Red Mango Tree

想多啲人多跑素，光是靠保護動物、愛惜健康等口號，食肉獸、吃貨能撐多久？所以近年就有形形式式的素食 Buffet 出現！有的 sell 平價，五六十元有交易，有的 sell 大堆頭陣容；Red Mango Tree 就是近年最人氣的一家。
「自助餐的創作空間比一般素更大，說不定可吸引更多人吃素。」素食達人 Elvis Chan。

Red Mango 是美國乳酪品牌，在當地有超過 200 個銷售點，但以香港搜尋器一 search，即彈出素食自助餐相關字！點解？都是香港人的靈活本性，香港店老闆本是素食支持者，見市面上未有自助餐，2015 年引入品牌時，實行乳酪素食雙綫發展，結果素食 buffet 彈起，booking 爆足兩個月，開業年多即開分店，更掀起一陣素食自助餐熱潮，大小餐廳都跟風。

觀乎芸芸素食 buffet，Red Mango 不是最平的一家，不過一比環境和食物陣容，就是同類之冠。餐廳可以容納 100 人；曲尺形自助吧枱擺滿沙律涼拌小食湯熱盤點心甜品，三四十款花碌碌，有蔬菜菇菌豆品做的，也有以素肉製成的元貝、蝦、羊肉串、吞拿魚、魷魚圈，蒸炒煮炸烤，感覺豐富不單寡。

款式三日一小轉
最與別不同是，風味不一味中式，印式意式中日韓泰式 fusion style，款式三日一小轉，每月一大轉，經常來都唔怕悶。印度烤小餅，油酥餅充滿咖喱香，滲出茴香孜然香味，令人追住食；咬口十足的素元貝，配酸辣番茄醬，竟帶點墨西哥風味；韓風素魚，以豆製品做，澆上自家製泡菜蜜桃汁吃，香甜酸辣好得意；搭天馬行空，卻不失新鮮感，令素食變得有趣。

設計素菜的，除了大廚?師傅，還有網絡素人、在各媒體推廣素食的「素食達人」Elvis Chan。「也許我和大廚都不喜歡墨守成規，構思餸菜總是想跳出框框無定向。」他笑說。拌沙律的醬，大都是自製，最過癮是香梨泡菜汁，他們更曾試過以榨菜做沙律汁！平凡的腐皮卷，有時是甘筍香菇餡，有時是素芝士。變化雖多，但無加蛋奶，以植物奶代替牛奶，以庶糖代替蜜糖，盡量少用五辛，以香草代之，烹調多蒸焗，少煎炸，純素者吃得放心，跑素初哥也吃得健康。

個半小時的自助餐，每樣試一點，都足以捧住肚子，但品牌既是乳酪過江龍，無理由唔食乳酪雪糕！任唧任吃，坊間罕見純素版，菠蘿荔枝士多啤梨哈密瓜香芋每天輪流登場，香滑有果香，幾飽都要吃。

自助餐桌擺得琳琅滿目，食物還不時 refill，並以爐㷫着，保持新鮮熱辣。

全場最吸睛的沙律凍櫃，車厘茄青瓜紅豆?嘴豆粟米紅菜頭牛油生菜紅葉生菜……看得出新鮮；醬汁自家調製，有蜜糖芥末、甘筍檸檬、香梨泡菜、千島醬、黑橄欖醬等。

菜式由「素食達人」Elvis Chan 和大廚?師傅設計，除了重創意，他們希望逐步減少素肉的分量，增加天然蔬果的比重。

地方當然不像酒店自助餐廳般雅致，但地方大，座位亦算闊落舒服，仲有不少卡位提供。

甜品選擇較少，但口味特別，好像紅菜頭果凍、椰汁桃膠奶凍等，還有咖啡奶凍、芝麻奶凍、焦糖布丁，做成細細杯，可試多多款。

拿波里肉碎 Pizza
薄餅脆卜卜富麵粉香，不飽滯；中間夾着慢煮番加醬、素肉粒、菇菌和雜椒，口感超豐富。

沙嗲羊肉串
素肉味較淡，但經過孜然調味後，真有烤羊串風味！沾沙嗲醬吃，好惹味。

舞茸菇冬瓜
冬瓜以舞茸菇水浸煮，盡吸菌香精華，清清淡淡一咬即化，清甜不寡。

韓式素魚
素魚柳煎很香口，配上以泡菜和蜜桃打成的醬汁吃，酸、甜、辣共冶一爐，仲有蜜桃甜香。

泰式冬蔭功雜菜煲
入口濃香厚身，香料味層次十足，是足料的證明；內有雜菌、雜菜和粉絲，味道不比一般冬蔭功湯遜色。

西西里素蟹柳杯
口感似鮮蝦咯嗲！配番茄汁吃，開胃。

自助餐供應純素乳酪雪糕，每天有兩款口味，今天有香芋和哈密瓜，加隨意加果仁碎、朱古力脆波波等 toppings，是自助餐的熱門 item。

Red Mango Tree
地址：九龍城賈炳達道 128 號九龍城廣場地庫 1 樓 B107-B108 舖
電話：3702 1150
營業時間：
收費：現金及信用卡，設加一
交通：11:30am-9:30pm（last order）
平均消費：$120（午餐）、$200（晚餐）
註：
1 素食自助午餐分個時段，分別為 11:30am-1pm 及 1:15pm-2:45pm。收費星期一至五，成人 $119/ 位、小童 $86/ 位；星期六、日及公眾假期，成人 $130/ 位、小童 $97/ 位，已包加一。
2 素食自助晚餐時段分 6pm-7:30pm 及 8pm-9:30pm。收費星期一至四，成人 $185/ 位、小童 $119/ 位；星期五、六、日及公眾假期，成人 $198/ 位、小童 $139/ 位，已包加一。