長沙灣入口蔬果店

發佈: 2017.03.05
文: sieg

蔬果呢樣嘢,行內人都知,海鮮價過海鮮,高檔超巿夠膽 mark up 七、八成,這間新開的蔬果店,全部賣入口嘢,格局高級但記者 scan 過價錢,蔬果賣價平到拍得住濕街巿,好大隻蛤蜊隨街跳。

有圖有真相,最大分別係日本士多啤梨,平時在日式超巿一包約莫 $100,這裡一盒 2 包才賣 $150,平絕全港;媽媽炒餸最愛的畢牌西芹,$17 一棵,分分鐘平過濕街巿;仲有一出即被搶晒的韓國士多啤梨,超巿賣 $40 開外,呢度 $30 有交易,平到跌咗個下巴下來。

可以賣到咁平,原來店主之一的李生是香港入口蔬菜批發商商會會董,在長沙灣副食品批發巿場有店,全港菜檔、超巿甚至果欄都由他供貨,蔬果直接由源頭攞貨,凌晨空運到港後 6am 就運到舖頭,少咗中間人食價,賣價自然有優勢。

這裏的外國蔬果,訂價只比成本高兩至三成,跟連鎖或精品超巿比,不少同款蔬果這裏平 3、4 成。店子少少,但美、澳、日、歐洲、加拿大、印尼、菲律賓以至墨西哥秘魯貨都有,謝絕大陸蔬果,高檔刁鑽的番鬼佬蔬菜不少,仲有賣獲漁農自然護理署認証的 100% 本地有機水耕菜,價位有優勢,計埋車費嚟買餸,都仲要平過幫襯高檔超巿呀。

韓國士多啤梨 $30 盒
呢士多啤梨坊間都要賣 $40、$50 元,日日飛機返,新鮮少下欄,酸甜少渣果肉軟腍,識貨要搶買。

長沙灣入口蔬果店

長沙灣入口蔬果店

塔斯曼尼亞 Styx River 車厘子 2kg $580 盒
這款車厘子直徑有 32-34mm,坊間呢個價只能買到 32mm 以下大小的,比街價平 $100 左右。

意大利奇異果 $12 六個
這款比新西蘭的,果肉實淨一點,核也較小,酸甜味平衡。

長沙灣入口蔬果店

澳洲蜜瓜 $48 個
切開睇,就見到這款瓜,果肉多瓜囊少。

長沙灣入口蔬果店

澳洲牛油南瓜 $12 磅 + 日本南瓜 $18 磅
直徑近 1 呎嘅外國南瓜,呢個價喺高檔超巿一定無可能。

日本博多士多啤梨 $150 盒
真係平通全港九新界,唔信可以去街市check價。

長沙灣入口蔬果店

美國畢牌西芹 $17 棵
媽媽輩最讚品牌,街巿檔有不少冒牌版本,這裏直接由美國入口,西芹粗壯爽脆。

長沙灣入口蔬果店

西班牙黑番茄 $33 包
Kumato 番茄果肉多而結實,裏面茄汁多又濃郁,可以生吃,很多米芝蓮餐廳用。

美國洋葱 $2.5 個(小)、$25 個(大)
左邊的是正常 size 的洋葱,旁邊的巨型版本,有鉛球咁大。

長沙灣入口蔬果店

西班牙迷你彩椒 $18 包
日式超巿賣 $35 以上,這裏平足一半。

長沙灣入口蔬果店

澳洲羽衣甘蘭 $18 包
中環買,半磅都要 $40 元,這款挺身新鮮,𡁻感甚好。

美國紫皮薯仔 $8 磅
切開勁多汁,質地也軟嫩,食落會有果仁味,花青素含量亦比普通薯仔高 4 倍。

長沙灣入口蔬果店

荷蘭尖椰菜 $18 磅
米芝蓮餐廳常用,顏色青綠,煮起來比普通版本嫩口少渣。

長沙灣入口蔬果店

四位老闆分別是湯先湯太及李生李太(左起),他們能取到全港第一手飛機蔬果。

格局四正企理唔會濕立立,價位比尖咀中環的高檔超巿平 3-4 成,有的更多。

Landmart
地址:長沙灣順寧道 273 號日輝大廈地下 8 號舖
電話:9351 8336、9275 5496
營業時間:7am - 7pm

原文刊載自U Magazine

原題:長沙灣平霸 入口蔬果店

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more