在最人多雜亂、最多千奇百怪小食聚集的旺角，有誰想到有間素食小店屹立多年不倒？這家叫「珍心」的素食店很有趣，數百呎地方，由早到晚都擠滿人，由早到晚來到，都有啱吃的東西。
看看餐牌，涼拌、包點、香口小食、粥粉湯麵、碟頭飯、甜品共 70 款！早上來，可以飲豆漿、吃粢飯；中午開餐，先飲一碗番茄薯仔豆腐昆布湯，再來一個碟頭飯，猴頭菇、素豬扒、鮮茄腐皮卷、燒汁素鰻魚、素叉燒，選擇比茶餐廳還多；想清清哋醫肚，又可揀素湯麵；行街口痕嗎？有碗仔翅、豬腸粉；飯後甜品仲可以嚟食糖水！
茹素多年的老闆姚先生最初只賣豆漿豆花，為生意尋出路，轉營賣素食，小食逐款加，不經不覺餐牌密麻麻！他對健康飲食要求很高，處處也從養生着想，所以食材樣樣揀到最靚，烹調講求真材實料，謝絕味精，做家庭式風味。
湯麵的湯底以栗米冬菇和蜜棗等熬，香、清、甜，奉客前加豆漿一撞，味道濃厚；菠菜麵用新鮮的，比乾麵好吃有彈性；碗仔翅的冬菇，用過百元一斤的貨色，又香又厚肉；淋在豬腸粉上的，不是普通麻醬豉油豬油，是美國花生醬、老醬園頭抽、意大利初榨橄欖油，味道超香醇；甜品以腐蓉薏米糖水最出色，即點即煮，放 10 分鐘可結出一層腐皮，證明足料。
早上，上班族來吃，中午有老人家街坊僧侶來，下午學生來吃碗仔翅，晚上蒲友來宵夜，點樣將素食大力推廣？這裏是最佳示範。
芝麻豆腐花 $24
自家磨製芝麻糊，質感幼細無渣，芝麻味香濃；配豆花吃，滑嘟嘟。
珍心素碗仔翅 $26
以蔬菜湯做底，味道香甜，有木耳絲、粉絲、素肉絲，口感爽脆，冬菇用貴價貨，又香又厚肉。
五色全素湯麵 $42（單點）、$50（套餐）
麵條找麵廠以新鮮菠菜做，即日送到店中，彈性十足味道鮮活；餸料有木耳、生菜、翠玉瓜、海帶、紅蘿蔔和粟米，清清淡淡，很香甜。
冰糖腐蓉薏米糖水 $30
糖水好杰身，純豆漿製作，不加椰醬和花奶，同時有大量薏米和腐皮，超級足料！放一會，還會結多一塊腐皮。
香滑腸粉 $16/4 條、腸粉餐 $28（配原味豆漿 ）
腸粉軟滑，亮點是調味料！花生醬 + 老醬園頭抽 + 意大利初榨橄欖油，醬油自家調校過，鹹甜味適中。
手包粢飯 $20
粢飯加紅米炮製，有咬口之餘更有益；內有榨菜、素肉鬆和油條，口感味道與一般粢飯無分別。
素豬扒飯 $46（單點）、$54（套餐）
素豬扒用自製黑椒汁調味，微微帶辛；三色飯以糙米、 紅米和有機黑米煮成，拌豆花吃，口感好得意！記得澆上榨菜豉油吃，份外惹味。
老闆姚先生對健康養生很有研究，出品設計都以營養角度出發。
店子很細很逼狹，但客人都不介意，因為在旺角要找健康又好吃的素食實在難。
珍心素食
地址：旺角砵蘭街 124-128 號 B 地下
電話：2781 2987
營業時間：10am-11pm
收費：只收現金，不設加一
交通：港鐵旺角站 E1 出口，步行約 10 分鐘
平均消費：$50
註：
1 店中提供全素食物。
2套餐可配餐湯、原味豆漿或鮮榨檸檬汁系列飲品。
原文刊載至U Magazine
