半熟蛋糕店 推自助甜品售賣機

發佈: 2017.03.25
文:

日本的自助售賣機,連豉油都有得賣,但香港就只能按枝汽水飲,灰!收到風,諾亞半熟蛋糕將會推出震撼全港愛吃之人?自助甜品售賣機!雖然未落實幾時見街,都可以肯定是將有兩部擺放於大學及私人屋苑。

雖然部機未見街,但就俾我地 preview 一下。外形與一般汽水機無分別,用法亦一樣。先於機物的熒幕選擇食物,再用八達通付款。買完仲可以用 QR code 或輸入 Email,拎電子收據,好方便。自助售賣機暫定有 3 款半熟芝士蛋糕、4 款飲品、4 款推筒蛋糕及果仁撻。機內溫度保持於攝氏 0-4 度,甜品可以存放 3 日。貨品賣完後會有電腦追蹤系統通知工場,按銷售情況每日補貨。自助售賣機特別加設上下移動的升降台,移動至所選食物位置,機器會將食物推出,玻璃樽、芝士蛋糕等都唔會損毀。

半熟蛋糕店 推自助甜品售賣機

諾亞專門店最新登場的有推筒蛋糕,包括有抹茶、紫薯兩種口味及只限自助售賣機售賣的朱古力及伯爵茶味。蛋糕分別有海綿蛋糕、吉士醬、流心忌廉等一共 9 層,遲啲或者會加埋脆脆增添感。招牌的半熟芝士蛋糕變成迷你版,有士多啤梨、芒果及比利時朱古力味。蛋糕選用蛋香豐富的意大利雞蛋、日本海藻糖,以及澳洲忌廉芝士等 3 重芝士製作,蛋糕超流心,唔會水汪汪。行過按個蛋糕食,過癮!

 

諾亞半熟蛋糕將會推出自助甜品售賣機,計劃於2月尾放於大學及私人屋苑,仲有機會進駐大型商場!

半熟蛋糕店 推自助甜品售賣機

(左)芒果半熟芝士蛋糕 $33、(右)士多啤梨半熟芝士蛋糕 $35
招牌芝士撻用了意大利雞蛋、日本海藻糖及忌廉芝士,混入新鮮果蓉製作。

朱古力半熟芝士蛋糕 $28
底層是原味半熟芝士蛋糕,質地流心呈cream 狀,芝士及蛋香兼備。最讚是表層的朱古力唔會蓋過芝士香,層次豐富。

半熟蛋糕店 推自助甜品售賣機

士多啤梨花茶 $20
由菠蘿、蘋果、杏桃、士多啤梨等 6 種水果,加少許陳皮煮成,果香清新。

半熟蛋糕店 推自助甜品售賣機

玄米奶茶 $20
以台灣、印度及斯里蘭卡 3 地茶葉沖調,茶味無想像中濃,但奶茶入口幼滑順喉。

(左)紫薯推筒蛋糕、(右)抹茶推筒蛋糕 各$22
諾亞最新產品,推筒蛋糕有抹茶海線蛋糕、抹茶流心醬及吉士,一共9層。抹茶選用京都出品,茶味甘香

半熟蛋糕店 推自助甜品售賣機

蛋糕由下面的「針」推出?直接食,唔怕整污糟雙手!

半熟蛋糕店 推自助甜品售賣機

自助售賣機特設升降台,移動至所選食物位置,機器會將食物推出,玻璃樽、芝士蛋糕等都唔會爛。

Info
諾亞半熟蛋糕專門店
電話:2382 6438
傭註:自助甜品售賣機預計 2 月尾推出

 

原文摘自U Magazine

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more