金鐘力寶中心7-Eleven 概念店換新Menu，早餐加入全新炒蛋牛角酥和火腿芝士牛角酥。想食到新鮮熱辣的滑蛋，可以要求店內廚師幫你即炒，配牛油味濃而且酥脆的牛角酥。Lunch 時段推出日日唔同款的「雙餸飯」午市套餐，概念店每天會提供 4 款不同的餸菜選擇，涼瓜排骨、粟米肉粒、蟲草花蒸雞、菠蘿咕嚕肉等輪流上場。「雙餸飯」外，仲有鳳爪排骨飯及土魷肉餅飯兩款蒸飯。眨吓眼到 3 點 3，整多個即炒 XO 醬炒腸粉，以及港人至愛的火腿蛋出前一丁麵做下午茶。
鳳爪排骨飯、土魷肉餅飯 $40
全新推出的蒸飯，飯量十足！排骨多到差不多蓋過飯面，土魷肉餅唔會太硬。
雙餸飯 $42
餸菜每日唔同款！每日會提供 4 款餸菜選擇，黎緊會有蟲草花蒸雞、咖哩牛腩等。
炒蛋牛角酥 $20
可以要求店內廚師即炒滑蛋，夾入酥脆富牛油香的牛角酥內，香噴噴！
XO醬炒腸炒 $28
下午茶供應的 XO 醬炒腸炒，加入大量XO醬炒勻，極惹味！
7-Eleven 概念店店舖資料
地址：金鐘力寶中心 1 樓 2B 舖
營業時間：星期一至五 7am-8pm、星期六 7am-4pm、星期日及公眾假期休息
原文刊載自U Magazine，內文字眼稍有編輯
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
